سرکاری ملازم آتے کن بھلا عئید نا مستائی، تنخواہک 23جون آ رسینگرہ
Get real time updates directly on you device, subscribe now.
اسلام آباد : وزیر خزانہ اسحاق ڈاربھلا عئید آ سرکاری ملازم آتے جمعہ 23 جون اسکان تنخواہ تننگ ناپڑو کرینے‘ حوال نارد اٹ قومی اسمبلی نا بجٹ دیوان نا وخت آ وزیر خزانہ سینیٹر اسحاق ڈار تینا خیال آتا درشانی ءِ کرساپارے کہ بھلا عئید 29 جون آ مننگ نا گمان ارے‘ چندی ڈویژن تیان وخت آن مست تنخواہ تننگ کن پاننگ انگ ءِ‘ اسحاق ڈار پارے کہ دا بابت سیکرٹری خزانہ ءِ پرمان جاری کننگانے۔ 23جون آ سرکاری ملازم آتے تنخواہ تننگک۔ وزیر خزانہ پارے کہ وزیراعظم تون سرکاری ملازم آتے وخت آن مست تنخواہ تننگ نابابت سلابت کننگانے و عئیدآن مست تنخواہ تننگ نا بابت ہیت وگپ پورو مسنے‘ اوپارے کہ بجٹ نا بابت اِرا کمیٹی ٹہیفنگاسس‘ بجٹ نا بابت کمیٹی تے ٹی ردوبدل کننگانے‘ ہڑتوم آ ہاؤس تے ٹی ننا ٹیمک تولوک مریرہ۔
(آن لائن)