طوفان آن زہمی 8 ٹاور تا بحالی نا کاریم مسہ دے ٹی پورو کننگک، خرم دستگیر خان
Get real time updates directly on you device, subscribe now.
اسلام آباد : بنجائی وزیر توانائی انجینئر خرم دستگیر خان پارینے کہ سوردریابی طوفان آن 8 ٹاور زہمی مسنو‘ این ٹی ڈی سی نا ٹیمک متحرک ءُ وبحالی نا کاریم مسہ دے اٹ پورو کننگک۔ بنجائی وزیر خرم دستگیر خان نیشنل ٹرانسمیشن اینڈ ڈسپیچ کمپنی ناکنڈآن 132کے وی ڈبل سرکٹ ٹرانسمیشن لائن نا تموک 8 ٹاور آبرجا بحالی ناکاریم تا جاچ ءِ ہلک‘ ہندا ٹرانسمیشن لائن ءِ حیدرآباد نا خڑک آ جھمپیر ونڈ کلسٹر اٹ انڈس، لبرٹی-1 و لبرٹی-2 ونڈ پاور پلانٹ آن جھمپیرIIگرڈ اسٹیشن اسکان بجلی تننگ کن جوڑ کننگانے و اونا 8 ٹاور 14جون آ طوفان ناسوب آن تماسر۔
(آن لائن)