بیلٹ اینڈ روڈ جوائنٹ لیبارٹری نا اولیکو اکیڈمک کمیٹی کانفرنس

اسلام آباد: چین پاکستان بیلٹ اینڈ روڈ جوائنٹ لیبارٹری نا ”سمارٹ ڈیزاسٹر پریوینشن آف میجر انفراسٹرکچر“ نا بارواٹی اولیکو اکیڈمک کمیٹی کانفرنس نانجنگ چین اٹی اڈ ہلک۔ وزارت سائنس و ٹیکنالوجی نا کنڈآن دوشنبے نادے آجاری بیان نا رداٹ اکیڈمک ایکسچینج کانفرنس نامسخت پوسکن آ دور انا خواست آتا رداٹ سول انجینئرنگ، فن تعمیر، دِیر انا رکھ و ات ودر نا بشخ آتیٹی تکنیکی بود انا اہم پٹ وپولی پیش رفت و علمی سرسہبی تے تالان کننگ ءِ۔ کانفرنس اٹی قومی تکنیکی جدت و بڑزکو آب انا اقتصادی شونداری آہم بشخ ہلوک آک تینا خیال آتا درشانی ءِ کریر۔ چین نا وزارت سائنس و ٹیکنالوجی نا ٹیلنٹ سینٹر نا راہشون نا رداٹ کانفرنس ءِ چائنیز آرکیٹیکچرل سوسائٹی و چائنیز سوسائٹی آف وائبریشن انجینئرنگ سپانسر و اونا بست وبند ءِ ساؤتھ ایسٹ یونیورسٹی جیانگ سواکیڈمی آف بلڈنگ سائنسز کمپنی لمیٹڈ کریسس۔ کانفرنس اٹی بشخ ہلوک آتیٹی چین اٹی پاکستان نا سفارت خانہ نا قونصلر آف سائنس اینڈ ٹیکنالوجی خان محمد وزیر، پاکستان نا این ای ڈی یونیورسٹی آف انجینئرنگ اینڈ ٹیکنالوجی خضدار نا وائس چانسلر پروفیسر سروش حشمت لودھی، بلوچستان یونیورسٹی آف انجینئرنگ اینڈ ٹیکنالوجی خضدار نا وائس چانسلر پروفیسر سہراب خان بزنجو، بلوچستان یونیورسٹی آف انفارمیشن ٹیکنالوجی، انجینئرنگ اینڈ مینجمنٹ سائنسز نا وائس چانسلر پروفیسر عبدالرحمان خان، جوائنٹ لیبارٹری نا پاکستانی ڈائریکٹر پروفیسر عابد علی شاہ اسک اوار ءُ۔

(اے پی پی)