دفاعی ادارہ و اہم تاریخی ہند آتے ہشنگ نا مذمت ءِ کینہ، راجہ ریاض

اسلام آباد: قومی اسمبلی ٹی قائد حزب اختلاف راجہ ریاض احمد پی ٹی آئی نا کارندہ غاتا کنڈآن جلاؤ گھیراؤ، دفاعی ادارہ و اہم تاریخی ہند آتے خاخر تننگ نا واقعہ غاتا ترندی اٹ مذمت ءِ کرسا خواست کرینے کہ دا واقعہ غاتا زموار آتا برخلاف آرمی ایکٹ نا رداٹ مقدمہ جوڑ کرسا کارروائی کننگے۔ دوشنبے نادے آ قومی اسمبلی ٹی ملک انا ساڑی سیاسی حالیت آتیا شرہ نا بناءِ کرسا راجہ ریاض پارے کہ اسہ فتنہ نا اوغانستان آن اتوک آ مخلوق جناح ہاؤس ءِ ہشار، ہراشہید آتا سوب آن نن آجوئی نا ساہ ہلنگ اُن اوفتا یات گار ءِ ہم اوفک ہلیتوس و اونا بے شرفی ءِ کننگا۔ نناہراجہاز ءِ بھارت بِٹنگ کتو، اودے ہم خاخر تننگا، دفاعی تنصیب آتے نسخان تننگا۔ مچ آ ایوان و مچ آ قوم داڑا شکی ءِ۔ راجہ ریاض پارے کہ داکان مست اسٹ اسے ہم ریمانڈ اٹی ضمانت ملتنے، دا لاڈلا ءِ دا آسراتی ءِ تننگا۔ او جلاؤ گھیراؤ نا مذمتءِ کرے و خواست کرے کہ آرمی ایکٹ نا رداٹ شرپسند آتا برخلاف کارروائی کننگے۔

(اے پی پی)