کورونا دین انا 10 پوسکن ءُ کیس رپورٹ، 7 ناجوڑنا حالیت نازرک
Get real time updates directly on you device, subscribe now.
اسلام آباد: مچ آ ملک اٹی 24 گھنٹہ ٹی کورونا دین انا 10 کیس رپورٹ مس و 7 ناجوڑ نا حالیت نازرک ءِ۔ دوشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آملک اٹی تدوک آ 24 گھنٹہ ٹی کورونا دین انا اسہ ہزار 847 ٹیسٹ کننگا ہرافتیان 10 بندغ آتا ٹیسٹ مثبت بس ہنداوڑ مثبت کیس آتا کچ 0.54 درسد ئسک و داوخت آ کورونا دین آن اسہ ناجوڑ اس ہم زوال کتنے وخت اس کہ 7 ناجوڑ آتاحالیت نازرک ءِ۔ لاہور اٹی تدوک آ 24 گھنٹہ ٹی 216 ٹیسٹ کننگا ہرافتیان 3 نا ٹیسٹ مثبت بس و ہموڑے مثبت کیس آتا کچ 1.39 درسد ئسک وخت اس کہ اسلام آباد اٹی 91 ٹیسٹ آتیان 3 نا ٹیسٹ مثبت بس و ہموڑے مثبت کیس آتا کچ 3.30 درسد ئسک۔
(اے پی پی)