الس تینا فوج اتون تفوک ءِ، ترجمان بلوچستان حکومت

کوئٹہ: بلوچستان حکومت نا ترجمان فرح عظیم شاہ پارینے کہ الس تینا فوج اتون تفوک ءِ، پاکستان نا فوج ملکی سالمیت و بقاکن بے مٹ قربانی تسنے دنیا نا اسہ طاقت اس ہم الس و پاکستان نا فوج انا نیام اٹ خورکی ودی کننگ کپک۔ داخیال آتا درشانی ءِ او داڑے پریس کانفرنس آن تران کرسا کرے۔ صوبائی حکومت نا ترجمان پارے کہ الس تینا ادارہ غاتون ہم کوپہ سلوک ءِ، نن بلوچستان نا الس ءِ سلام پیش کینہ ہرا پاکستان نا فوج انا برخلاف اسہ وڑاسے نا ہم پروپیگنڈہ ٹی بشخ ہلتنے۔ پاکستان نا فوج ملکی سالمیت نا ضامن ءِ۔ بھارتی میڈیا لکھ کوشست کرے کہ پاکستان نا فوج انا مورال ءِ نسخان تننگے ولے اوناہرپروپیگنڈا مش تا مس۔ دشمن پہہ مرے کہ نن اسہ قوم اسے اُن و یک جان مرسا تینا ادارہ غاتون سلوک اُن۔

(اے پی پی)