بلوچستان لیویز فورس انا 13می بیچ انا پاسنگ آؤٹ پریڈ

0

Get real time updates directly on you device, subscribe now.

کوئٹہ (اے پی پی) بلوچستان لیویز فورس انا 13می بیچ انا پاسنگ آؤٹ پریڈ دود لیویز ٹریننگ سینٹر خضدار اٹی اڈہلک ہراٹی مچ آ بلوچستان نا 577ریکروٹ آک تربیت ءِ پورو و پاسنگ آؤٹ پریڈ اٹی بشخ ہلکر۔ دود انا مہمان خاص چیف سیکرٹری بلوچستان مطہر نیاز رانا، صوبائی وزیر داخلہ میر ضیاء لانگو ئسر۔ دود اٹی لیویز فورس انا پاسنگ آؤٹ پریڈ ءِ پورو کروک آ ورناک تینا لائخی تا شاندار درشانی ءِ کریر۔ دہشت گردی ڈکیتی راہزنی تون امر مون تننگ مریک، وی آئی پی ءُ بندغ اسے ہراوڑ جلہو آن رکھ انگا ہند اسکان سرکننگ مریک۔ دانا ورناک دوداٹی بشخ ہلوک آتا مون آ عملی درشانی ءِ کریر و غٹ آن زیات نظم و ضبط انا رداٹ ورناک پریڈاٹی بشخ ہلسا مہمان خاص و بشخ ہلوک آتیان پبی داد ہلکر۔ دود انا مہمان خاص چیف سیکرٹری بلوچستان مطہر نیاز رانا و صوبائی وزیر داخلہ بلوچستان میر ضیاء لانگو، ڈی جی لیویز بلوچستان مجیب الرحمان قمبرانی پریڈ نا معائنہ ءِ کریر، وخت اس کہ ورناک اوفتے سلامی تسر۔ سینزدہ می بیج اٹ ریکروٹ آتیان سوغند ہلنگا و اوفتے ٹی نمبر آ بروک آتے انعام تننگا۔ دود اٹی بلوچستان اسمبلی نا باسک میر یونس عزیز زہری، آئی جی پولیس بلوچستان رائے طاہر، ایڈیشنل چیف سیکرٹری داخلہ ارشد مجید، ڈی جی لیویز مجیب الرحمان قمبرانی، کمشنر قلات ڈویژن بشیر خان بازئی، ڈپٹی کمشنر خضدار میجر ریٹائرڈ بشیر احمد جوائنٹ ڈائریکٹر آئی بی دوست علی بلوچ، کمانڈنٹ ایف سی خضدار ضمیر الحسن، صوبائی سیکرٹری عزیز احمد جمالی، غلام علی بلوچ، ڈی جی نم سعد سکندر، اسسٹنٹ کمشنر خضدار جمیل بلوچ، سینئر اسسٹنٹ لوکل گورنمنٹ خضدار میر عبدالرزاق زہری، چیف آفیسر میونسپل کارپوریشن خضدار نذرخان زہری، تحصیلدار خضدار شہزاد زہری، نائب تحصیلدار جواد زہری، سردار نصراللہ خان ساسولی، مسکوہی ناظم خضدار سردارنصیر احمد موسیانی مسکوہی میئر خضدار میر رحیم کرد میر ظفرعلی ساسولی، سردار محمد حیات خان ساجدی شیردل بزنجو، ڈی ایچ او خضدار ڈاکٹر سومار خان بلوچ، سحر جاموٹ سرعام ٹیم انا نمائندہ عائشہ فاطمہ غان بیدس خضدار نا قبائلی سرکڑدہ و الس بھلو کچ اسے ٹی بشخ ہلکر۔

Get real time updates directly on you device, subscribe now.

Leave A Reply

Your email address will not be published.