چندرکاری ہدف آتا دوئی کننگ کن فیصلہ غاتیا پدریسہ عملدرآمد المی ءِ،نائب وزیراعظم اسحاق ڈار
بے گرج خڑچ آتیٹی پین کمتی و انتظامی باندات نا کارکڑد ءِ گچین جوڑ کننگ کن کوشست آتے برجا تخنگے
Get real time updates directly on you device, subscribe now.
اسلام آباد، نائب وزیراعظم و وزیرخارجہ سینیٹر محمد اسحاق ڈار بے گرج خڑچ آتیٹی پین کمتی و انتظامی باندات نا کارکڑد ءِ گچین جوڑ کننگ کن کوشست آتے برجاتخنگ نا پارت کرسا پارینے کہ حکومت نا کفایت شعاری مہم نا درکار ہدف آتا دوئی کننگ کن فیصلہ غاتیا پدریسہ عملدرآمد و کل تعلقدار ادارہ غاتا نیام اٹ خڑک رابطہ و ہم گرنچی المی ءِ۔ نائب وزیراعظم نا آفس آن جاری بیان نا رداٹ نائب وزیراعظم اسحاق ڈار نا کماشی ٹی وزارت خارجہ ٹی بچت و کفایت شعاری نا ودکی گام گیج آتیا عملدرآمد و اوفتا چاروکی کن جوڑ کمیٹی نا دیوان اس اڈ ہلک، ہراٹی چندی وزارت و ڈویژن آتیٹی داگام گیج آتیا برجاعملدرآمد و مسکوہی فیصلہ غاتیا پیشرفت نا جاچ ءِ ہلنگا۔ دیوان اٹی سرکاری خڑچ آتا گچین انتظام، قومی وسیلہ غاتا رکھ و بے گرج خڑچ آتیٹی کمتی نا بابت جاری کوشست آتیا سجفنگا۔ داوخت آ نائب وزیراعظم و وزیرخارجہ اسحاق ڈار دا ہیت آ زور شاغا کہ حکومت نا کفایت شعاری مہم نا درکار ہدف آتا دوئی کننگ کن فیصلہ غاتیا پدریسہ عملدرآمد و کل تعلقدار ادارہ غاتا نیام اٹ خڑک رابطہ و ہم گرنچی المی ءِ۔ اوبے گرج خڑچ آتیٹی پین کمتی و انتظامی باندات نا کارکڑد ءِ گچین جوڑ کننگ کن کوشست آتے برجاتخنگ نا پارت کرسا پارے کہ دا گام گیج آتے مدامگی بچت اٹی بدل کننگ کل تعلقدار ادارہ غاتا اسیجائی زمواری ءِ۔ دیوان اٹی وزیر انفارمیشن ٹیکنالوجی و ٹیلی کمیونیکیشن، وزیراعظم نا خصوصی کمکار طارق باجوہ، کابینہ، کانود وانصاف، حوالکاری و شینکاری و بنجائی تعلیم و کسبی ہیلکاری نا سیکرٹری تتون اوار ہر چار آ صوبہ، آزاد کشمیر، گلگت بلتستان و تعلقدار وزارت آتا سینئر نمائندہ غاک بشخ ہلکر۔