صدر زرداری تون محسن نقوی نا اوڑدہی، پوسکن آ صوبہ غاتا بابت ہیت و گپ

نواب شاہ، صدرِ مملکت آصف علی زرداری و وزیر داخلہ محسن نقوی نا نیام اٹی اہم ءُ اوڑدہی اس مسنے۔ نواب شاہ ٹی صدرِ مملکت آصف زرداری تون وزیر داخلہ محسن نقوی اوڑدہی کرے ہرا اسہ گھنٹہ اس اسکان برجا سلیس دا وخت آ سیاسی باندات‘ ملکی سیکورٹی حالیت و پوسکن آ صوبہ غاتا بابت جم گپ و تران کننگا۔ تدوک آ دے میڈیا تون ہیت وگپ کرسا وزیرداخلہ محسن نقوی پاریسس کہ ریفرنڈم کرفبو، الس خواپک تو صوبہ جوڑ کپبو۔ وزیر داخلہ پاریسس کہ ملک اٹی ری سیٹ نا باندات آ او و بلاول بھٹو زرداری اسہ پیج آٹو، کل سیاسی جماعت آک بھاز اہم ءُ، اسہ فیصلہ اس ہم اختلاف اٹ مفک۔