تانکہ ننا گڑتیک چٹتنو اپوزیشن نا اے پی سی مفک، مولانا فضل الرحمن

اسلام آباد(آن لائن ) جمعیت علماءاسلام نا کماش مولانا فضل الرحمن پارینے کہ ہراتم اسکان مسلم لیگ ن و پیپلز پارٹی ننا گڑتی تے چٹفتنو او وخت اسکان اپوزیشن جماعت آتا اے پی سی مفک، حکومت ایف اے ٹی ایف تون اوار ایلو بل آتیا سلاہ کن ایم ایم اے ءِ اعتماد اٹ ہلتنے، حکومت نا خارجہ پالیسی بے سہب مسنے، بیرونی پریشر آ کانود سازی کننگ انگ ءِ۔ تدوک آ دے تینا اُرا ٹی پریس کانفرنس آن تران کرسا مولانا فضل الرحمن پارینے کہ قومی اسمبلی سینیٹ و پارلیمنٹ نا اواری نا دیوان اٹ بل آتے اتنگ اٹی ءُ ہرانا جمعیت علمائے اسلام اصول آتے منافی گوندسا مخالفت ءِ کریسُس او پارینے کہ اسپیکرقومی اسمبلی منہ جماعت نا نمائندہ غاتے اُرا غا بٹنگا ولدا ہم جمعیت علمائے اسلام تون اوار ایلو جماعت آتون ہچ ءُ سلاہ اس کننگتو۔