14 اگست نادے نن کن نعمت اسے آن کم اف، سردار کمال خان بنگلزئی

کوئٹہ (اے پی پی) چیف آف بنگلزئی مسکوہی ایم این اے الحاج سردار کمال خان بنگلزئی پارینے کہ 14 اگست نا دے ننکن نعمت اسے آن کم اف، بنگلزئی قوم محب وطن ءُ داسہ ہم کنا بنگلزئی قوم غٹ سرکاری سول ملازمت آتون اوار خاص کر پاکستان نا فوج اٹی چندی عہدہ غاتیا ٹی ءُ بحیثیت چیف آف بنگلزئی قوم ءِ مدام پرامن مننگ و حب الوطنی نا پارسا کرینٹ۔بانی پاکستان قائد اعظم محمد علی جناح ، عالم دین و ایلو مسلمان تا مریس جہد آن پد پاکستان ءِ آزادی ملا ہرافتا سوب آن اینو پاکستان مچ آ دنیا ٹی اسہ ناقابل تسخیر قوت اس جوڑ مسنے ایٹمی طاقت مننگ نا سوب آن ایلو مسلم ملک آک پاکستان آ گمر محسوس کیرہ 14 اگست آسردار بنگلزئی ہاوس آن جشن آزادی نا جلوس اس کشسا مستونگ اٹ ایسر مریک، بنگلزئی قوم دا تاریخی جشن آزادی نا ریلی ٹی بشخ ہلسا حب الوطنی نا شاہدی ءِ ایتر۔ داخیال آتا درشانی ءِ او میڈیا نا نمائندہ غاتون گپ وتران کرساکرے، او پارے کہ نن باشعور و عظیم ءُ قوم اس مننگ نا خاطر تینا زمواری تا احساس ارے آجوئی نا درشانی زندہ قوم تا نشانی ءِ پاکستان ننا شان و ننا آن ءِ ہرانا عزت و شرف کن بنگلزئی قوم تینا دتر نا آخیریکو پڑی ءِ ہم قربان کننگ کن تیار ءُ 14 اگست آ بنگلزئی قوم جشن آزادی نا تاریخی ریلی اس کشسا محب وطن مننگ نا شاہدی پیش کیرہ۔