کل جماعت آتتون حالی حوالی کن سنبرینگوک اُن، بلاول بھٹو

اسلام آباد : پاکستان پیپلز پارٹی نا چیئرمین وزیر خارجہ بلاول بھٹو زرداری پارینے کہ پیپلزپارٹی کل جماعت آتتون ہیت کننگ کن تیار ءِ‘ عمران خان پائک کہ دہشتگرد آتتون ہیت کننگ کیک وخت کہ او پارلیمنٹ اٹ تینا سنگت آتتون ہیت کپک‘ اسہ ایجنڈاغا کل ءِ اسٹ مروئی مریک‘ بایدے فیصلہ کننگے‘ سیاسی پڑ آ کل اوار مننگ کیرہ و جوان انگا فیصلہ غاتیان ملک والس ءِ فائدہ مریک‘ راج ءِ چلیفنگ کن کل ءِ تینا بشخ ءِ شاغوئی مریک‘ آئین نا رد اٹ ملک چلینگا تو کل ءِ حق رسینگک و ملک شون ہلیک‘ پاکستان نا پوسکن آچین ءِ سرپند کننگے کہ ہرا وڑ اٹ آئین نا رد اٹ اوفتے حق تننگ انگ ءِ۔ ہراتم ہم آئین ءِ پرغنگا تو نسخان ملک انا مسنے‘ عمران خان نا دور اٹ جمہوریت نا نسخان مس‘ سیاسی مخالف آتے بندی کننگا‘ غیرجمہوری گام تیا پیپلزپارٹی چپ تولپک۔ جمہوریت نا شہید آتا یات اٹ اڈ تروک دود آن تران کرسا بلاول بھٹو زرداری پارے کہ ہراتم ہم آئین ءِ لتاڑ کننگا تو دانا نسخان ملک ءِ رسینگا‘ آئین نا رد اٹ چلینگے توکل ءِ حق رسینگک و ملک شون ہلیک۔ اوپارے کہ ذوالفقار علی بھٹو ہندن ءُ آئین اس تس ہراٹی کل شاری‘ مزور‘ صحافی کل انا رکھ ءِ کننگا‘ ولے ہراتم ہم آئین ءِ پرغنگا تو نسخان ملک انا مسنے‘ پاکستان ناداسہ نا چین ءِ سرپند کننگے کہ ہرا وڑ اٹ آئین نا رد اٹ اوفتے حق تننگ انگ ءِ۔

(آن لائن)