حکومت خولم گریزی کروک آتا برخلاف کارروائی کے‘ بدرالدین کاکڑ
Get real time updates directly on you device, subscribe now.
کوئٹہ : پاکستان فلور ملز ایسوسی ایشن نا مسکوہی بنجائی چیئرمین و بلوچستان ریجن نا کماش و کمامدار آتیان بدرالدین کاکڑ و عبدالواحد لالا صوبائی حکومت و محکمہ کن خور بلوچستان آن خواست کرینے کہ او صوبہ پنجاب و سندھ اٹ خولم نا ودوک آ نہاد آتا بابت بلوچستان نا نہری ضلع نصیر آباد و جعفر آباد آن خولم نا گریزی ءِ توننگ کن پین سخت پارت کرینے تانکہ صوبہ نا اُلس ءِ اڑزان خولم رسینگے۔ تدوک آ دے میڈیا تون ہیت وگپ کرسا اونا پاننگ ئس کہ اسہ وار ولدا صوبہ پنجاب و سندھ اٹ خولم نا نہاد آتیٹی ودکی کننگانے۔ ہرانا سوب آن خولم اسٹاک کروک و روزگار کروک آک بلوچستان نا نہری ضلع نصیر آباد و جعفر آباد آ مون کرینو و اوفتا کوشست ءِ کہ بلوچستان نا نہری ضلع ٹی ساڑی خولم ہلسا اوفتے پنجاب و سندھ آ گریزی کننگے نن صوبائی حکومت و محکمہ کن خور بلوچستان ءِ پاننگ خوانہ کہ او خولم نا صوبہ غان پیشن دنننگ آ پابندی نا پارت ءِ پک کرسا پین سخت کننگ نا پارت کے تانکہ بلوچستان اٹ ساڑی خولم نا ایلو صوبہ غاتیان گریزی ءِ توننگے۔
(آن لائن)