ڈیہہ اکن ندر مروک آ شہید آتے خراج تحسین پیش کینہ‘ میر مظفر جمالی
Get real time updates directly on you device, subscribe now.
اوستہ محمد : میئر میونسپل کارپوریشن اوستہ محمد میر مظفر خان جمالی ڈپٹی میئر حاجی خان پلال نا کماشی ٹی شہدا پاک فوج و شہدا بلوچستان پولیس نا حق اٹ میونسپل کارپوریشن آفس آن جوان ءُ ریلی اس کشار۔ ریلی شار انا جتا جتا کسر تیان گدرینگسا میونسپل کارپوریشن آفس ءِ سر مس۔ ہراڑے ریلی نا بشخندار آتیان میئر میونسپل کارپوریشن میر مظفر خان جمالی ڈپٹی میئر حاجی خان پلال تران کرسا پارینے کہ پاک فوج و بلوچستان پولیس نا شہید آتے نن خراج تحسین پیش کینہ۔ شہید آتا قربانیک زیان مفسہ۔ او پارینے کہ ملک انا خاطر آن تینا جان تے ندر کروک آک شہید آتے ہر وخت یات تخنگک۔ ترانکار آک مستی پارینو کہ ننے تینا افواج پاکستان تون اوار سلوئی ءِ۔ ریلی نا بشخندار آک پاک فوج زندہ باد بلوچستان پولیس زندہ باد نا نعرہ ہم خلکر۔ ریلی ٹی میونسپل کارپوریشن نا جنرل کونسلر آک سیاسی راجی راہشون و شاریک بشخ ہلکر۔
(آن لائن)