بولان بلڈ بینک دالبندین نا خدمت آک ستا کڑزرہ‘ عبدالباسط بزدار
Get real time updates directly on you device, subscribe now.
چاغی : اسسٹنٹ کمشنر دالبندین عبدالباسط بزدار تون بولان بلڈ بینک دالبندین نا چیرمین محمد بخش بلوچ اوڑدہی کرے، اوڑدہی ٹی بلڈ بینک ءِ دوئی ویل آتیان معلومدار کرے۔ لوکل سرٹیفکیٹ نا جاری امن و ایمنی تون اوار علاقائی ایشو تیا ہیت وگپ کننگا۔ اسسٹنٹ کمشنر دالبندین عبدالباسط بزدار پارینے کہ بولان بلڈ بینک دالبندین نا خدمت آک ستا کڑزرہ۔ فلاحی ادارہ تون ہر ممکن کمک کرسا اودے پین فنکشنل کننگک۔ انتئے کہ انسانیت نا خدمت اسہ عظیم ءُ کاریم اسے و بلڈ بینک انتظامیہ ستا کڑزک۔ ہرا تینا کمک کن دا نیک انگا کاریم آ سال تاسے لگوک ءِ۔ او پارینے کہ ضلع چاغی ٹی امن و ایمنی نا حالیت مالو آن بھاز جوان مسنے و داڑا کنٹرول کننگ کن جوان کوشست کننگ انگ ءِ کہ ضلع چاغی آن دزی، داڑیلی و لٹ و پل نا واردات آتیا کنٹرول کرسا ضلع چاغی ءِ امن انا ہند اس جوڑ کننگک۔
(آن لائن)