مسلم باغ واقعہ نا اخس کہ مذمت کننگے کم ءِ، صادق سنجرانی

اسلام آباد: چیئرمین سینیٹ محمد صادق سنجرانی بلوچستان نا علاقہ مسلم باغ اٹی سیکورٹی فورس آتیا دہشت گرد آتا کنڈآن جلہو نا ترندی اٹ مذمت ءِ کرینے۔ جمعہ نادے آ سینیٹ سیکرٹریٹ آن جاری بیان نا رداٹ چیئرمین سینیٹ سم کاری ٹی قیمتی جون تا نسخان آ ڈکھیائی و است ہسونی نا درشانی ءِ کرسا پارے کہ داوڑنا لغوری کارروائیک ننا عزم ءِ متزلزل کننگ کپسہ۔ فوج و سیکورٹی ادارہ غاتا دہشت گردی نا برخلاف قربانیک بے مٹ ءُ و پاک فوج دہشت گردی نا ناسور ءِ چٹفنگ کن سنبرینگوک ءِ۔ اومستی پارے کہ دہشت گرد آک تینا ناپاک مسخت آتیٹی وخت اس ہم سرسہب مفسہ۔ ڈیہہ نا امن کن سیکورٹی فورس آتا قربانیک زیان مفسہ، چیئرمین سینیٹ سیکورٹی فورس آتا ٹھپی مروک آ کارندہ غاتا زوت دراخ جوڑی کن دعا کرے و شہید آتا وارث آتون یکجہتی نا درشانیءِ کرے۔

(اے پی پی)