بنجائی وزیر داخلہ نا بلوچستان اٹی ایف سی کیمپ آ جلہو نا مذمت
Get real time updates directly on you device, subscribe now.
اسلام آباد : بنجائی وزیر داخلہ رانا ثناء اللہ مسلم باغ بلوچستان اٹ ساڑی ایف سی نا آفس آ جلہو نا مذمت ءِ کرسا جلہو اٹ ارا ورنا نا شہید مننگ آ ڈکھ وا رمان کرینے و پارینے کہ شہید آتا خاہوت آتتون ڈکھ انا دا ساہت اٹ اوار ان۔ تینا بیان اٹ وزیرداخلہ ڈکھ و ارمان اٹ شہید آتا خاہوت آتتون ہڑزخواہی کرے و اوفتیکن صبر انا دعا کرے‘ او مستی پارے کہ سکیورٹی فورس آک بھاز بہادری، جانفشانی و پورو واک اٹ دہشت گردی نا ناسور تون جنگ تننگ اٹی ءُ۔ ایف سی نا بہادر آ ورناک ڈکوئی اٹ جلہو کروک اِرا دہشتگرد ءِ جہنم آ راہی کریر‘ ہراڑکن اوفتے خراج تحسین پیش کینہ و دا ہیت انا اومیت کینہ کہ سکیورٹی فورس آک دا عفریت ءِ ملک آن پورو چٹفرہ۔
(آن لائن)