لاہور، ڈاکٹر یاسمین راشد و ڈاکٹر شیری مزاری ہم دزگیر
Get real time updates directly on you device, subscribe now.
لاہور: تحریک انصاف نیامئی پنجاب نا صدر ڈاکٹر یاسمین راشد ءِ پولیس لاہور آن دزگیر کرے‘ پی ٹی آئی نا راہشون عندلیب عباس پارے کہ ڈاکٹر یاسمین راشد ڈیفنس یا کیولری گراؤنڈ اٹ تینے ڈکاسس و اودے سہب انا شش و نیم بجہ غا برمتہ کننگا۔ ڈاکٹر یاسمین راشد پولیس چھاپہ غاتا سوب آن کیہی دے آن اُراٹی ساڑی الو۔ عندلیب عباس پارے کہ اِرا دے مست ڈاکٹر یاسمین راشد نا 80 سال انا اَرے و 76 سال انا خاسپر ءِ ہم دزگیر کننگاسس ولے اَرے نا طب انا خراب مننگ آ اوے یلہ کننگا ولے پیر انگا خاسپر داسہ ہم پولیس نا بندی ءِ۔ پی ٹی آئی راہشون مستی پارے کہ 4آن 5 گاڈی و 40 آن 50 بندغ بسوسر ہرا ڈاکٹر یاسمین راشد ءِ دزگیر کرسا دریر۔ پاکستان تحریک انصاف نا بنجائی سرکڑدہ غاتے دزگیر کننگ نا چر برجاءِ۔ پی ٹی آئی راہشون ڈاکٹر شیریں مزاری ءِ دزگیرکننگانے۔
(آن لائن)