حکومت راجی تنظیم تتون کمک کننگ اٹی ءِ‘محمدگل خلجی
کمکی کمپنی تے صوبہ ٹی فلاحی کاریم و زرکاری کننگ کن ہر وڑ انا سکیورٹی تننگ انگ ءِ
Get real time updates directly on you device, subscribe now.
لورالائی : کمشنر لورالائی ڈویژن محمد گل خلجی پارینے کہ حکومت راجی تنظیم و کمکی کمپنی تتون ہر وڑ انا کمک کننگ اٹی ءِ‘ سکیورٹی تون اوار ہر وڑ انا سپورٹ فراوان کیک‘ تاکہ او صوبہ ٹی فلاحی کاریم و زرکاری کیر۔ دا خیال آتا درشانی ءِ او OGDCL نا ریجنل کوآرڈینیٹر اکرام اللہ خان کاسی تون ہیت وگپ کرسا کرے‘ ہرا کمشنر تون اونا دفتر اٹ اوڑدہی کرے‘ دا وخت آ ڈپٹی کمشنر لورا لائی سوبان سلیم دشتی و ڈپٹی کمشنر موسیٰ خیل عظیم جان دومڑ ہم ساڑی ئس ریجنل کوآرڈینیٹر او جی ڈی سی ایل ضلع موسیٰ خیل و لورالائی ٹی کمپنی نا برجا سرجز آتیان افسر آتے معلومدار کرے‘ و کمپنی جانجوڑی، تعلیم سوشل ویلفیئر و کشت وکشار سیکٹر اٹ کروڑ آروپئی تا ڈٹ آتیا کاریم کننگ اٹی ءِ و پین 352 ملین روپئی نا پوسکن آ ڈٹ آتا بناءِ کیک تاکہ مخلوق ءِ بنداوی آسراتیک رسینگر‘ او پارے کہ کمپنی ہراڑے ہم کاریم کیک ہمو علاقہ نا مخلوق نا آسودہی کن گام گیج کیک۔ کمشنرلورالائی ڈویژن داوخت آ پارے کہ ساڑی حکومت کیبی و پدتموک علاقہ غاتے ٹی شونداری ڈٹ آتیا خصوصی چکار کننگ اٹی ءِ و داڈٹ آک جم وڑ انا مریرہ۔ کمشنر پارے کہ لورالائی ڈویژن معدنیات آن شپ ءِ‘ ہے دکی، چمالنگ وایلو علاقہ غاتے ٹی کولا نا بھلو کوڑی ءُ ہراکہ روزگار نا بھلو ذریعہ ءُ ہرافتے ٹی ہزار آ بندغ آ مزوری کیرہ۔ اوپارے کہ شونداری ڈٹ آتے سلابت و الس نافائدہ ءِ مون آ تخسا بنا کننگک تاکہ بجٹ نا سہی و وخت آکاریم اٹ اتنگ ءِ پک کننگ مرے‘ ہراڑکن السی نمائندہ و سوشل ویلفیئر کمیٹی نا باسک آک اواری اٹ سلاہ ایترہ۔
(خ ن)