سرکاری افسر آک کیسکو نا پیسہ غاتے تننگ اٹ سستی کپس‘نجیب اللہ ترین
Get real time updates directly on you device, subscribe now.
جعفرآباد : ڈپٹی کمشنر جعفرآبا دنجیب اللہ خان ترین نا کماشی ٹی کیسکو نا وام تے تننگ نا بابت ضلعی افسرآتا دیوان اڈ ہلک‘ دیوان اٹ ایکسین کیسکو آپریشن حاجی شبیراحمد مستوئی، ایس ڈی او کیسکومولابخش سولنگی تون اوار کل محکمہ غاتا ضلعی افسر آک ساڑی ئسر‘ دیوان نا وخت آ بریفنگ ترسا ایکسین کیسکو آپریشن حاجی شبیراحمد مستوئی پارے کہ دا وخت آ چندی محکمہ غاتیا کسیکو نا وامک اریر ہرافتے داسکان تننگ تنے‘ کیسکو اسہ کمرشل ءُ ادارہ اسے ہرانا وام تے تفننگ آن ادارہ ءِ بھاز آ مشکل آک مون تروک ءُ۔ محکمہ پبلک ہیلتھ انجینئرنگ آ کل آن زیات وام ارے ہرانا سوب آن نن بیوس مرسا بجلی نا کنکشن آتے کاٹ کینہ‘ ہندا سوب آن المی ءِ کہ سرکاری محکمہ غاک کیسکو نا پیسہ غاتے تننگ اٹ سستی کپس و وخت آ بل ایتر۔ پٹی کمشنر جعفرآباد نجیب اللہ خان ترین پارے کہ افسر آک کیسکو نا پیسہ غاتے تننگ اٹ سستی کپس تاکہ الس خوار مف۔
(خ ن)