سرکاری خولم ہلنگ نا بابت ٹارگٹ ءِ ہر حال اٹ پورو کننگک‘کمشنرنصیر آباد

نصیر آباد: کمشنر نصیرآباد ڈویژن بشیر احمد بنگلزئی و صوبائی سیکرٹری خوراک مجیب الرحمن پانیزئی اسک پارینو کہ سرکاری خولم ہلنگ نا بابت ٹارگٹ ءِ ہر حال اٹ پورو کننگک۔کوڑی کروک آتا برخلاف دمدستی کارروائی کننگک و ہرافتتون سرکاری باردانہ ارے‘ اوفتے دمدستی خولم آن پُر کرفنگک۔ دا خیال آتا درشانی ءِ او خولم ہلنگ نا بابت افسر آتا اڈ ہلوک دیوان آن تران کرسا کرے۔ دیوان اٹ ڈی آئی جی نصیرآباد رینج منیر احمد شیخ ڈائریکٹر جنرل فوڈ ظفر علی گویا پروجیکٹ ڈائریکٹر فوڈ جانان خان جعفر ایڈیشنل کمشنر علی محمد ہانبھی ڈپٹی کمشنر جعفرآباد نجیب اللہ خان ترین ڈپٹی کمشنر صحبت پور فیاض علی اسسٹنٹ کمشنر اسداللہ سمالانی و حسنین ابڑو ایف سی و کسٹم نا نمائندہ غاک ساڑی ئسر۔ دیوان اٹ صوبائی سیکرٹری خوراک مجیب الرحمٰن پارے کہ کیہی زمیندار و مل اونر تے سرکاری باردانہ تننگانے ولے داسکان خولم نا فراوانی ءِ پک کننگ تنے ہرانا سوب آن ننا ہدف داسکان پورو مفننگ ءِ۔ اگہ اوفتا کنڈآن پین سستی کننگا تو اوفتا برخلاف کارروائی کننگے۔

(خ ن)