ادارہ برائے علاج و بحالی مریضاں منشیات ماڈل ادارہ اسے‘چیف سیکرٹری

کوئٹہ : ادارہ برائے علاج و بحالی مریضاں منشیات محکمہ راجی آسودہی تینا نظم و ضبط درمان و نشئی تا بحالی نا اسہ ماڈل ءُ ادارہ اسے‘ ادارہ ٹی نشہ ناعادتی بندغ آتا درمان کننگک‘ حکومتی کہول آ الس نا خذمت نا دا وڑ انا خذمت فراوان کروک ادارہ غاتا کارکڑد نا سوب آن الس حکومت و اونا ادارہ غاتیا پت کیک۔ بحالی سینٹر بروک ناجوڑ آتا کونسلنگ کینہ‘ وخت اس کہ ناجوڑ آتا تربیت ءِ ہندن کننگک کہ داکان ہننگ آن پد کاروبار اس کرسا تینا زند ءِ جوڑ کننگ کیر۔ دا خیال آتا درشانی ءِ چیف سیکرٹری بلوچستان عبدالعزیز عقیلی محکمہ راجی آسودہی نا کنڈآن ادارہ برائے علاج و بحالی مریضان منشیات کوئٹہ نا دورہ ءِ کننگ نا وخت آ کرے۔ داوخت آ پر سیکرٹری سوشل ویلفیئر عمران خان ہم ساڑی ئس۔ سیکرٹری محکمہ راجی آسودہی ادارہ نا بابت بریفنگ ترسا پارے کہ ادارہ ٹی 250 ناجوڑنا گنجائشت ارے و داوخت آ 50 ناجوڑ نا درمان کننگ انگ ءِ۔

(خ ن)