کراچی نا الس نا گرج آتے ہُرسا ڈٹ بندی کننگے، وزیراعظم عمران خان

0

Get real time updates directly on you device, subscribe now.

اسلام آباد(اے پی پی) وزیراعظم عمران خان پارینے کہ کراچی نا شونداری پاکستان نا شونداری ئِ، ملک انا زرگزرانی ہند انا شونداری گرج و الس ئِ مون تروک ویل آتا جوان سمائِ ، و دارداٹ بنجائی حکومت تینا کڑد ئِ ادا کننگ نا پبی کوشست کننگ ئِ۔ داخیال آتا درشانی ئِ او گورنر سندھ عمران اسماعیل تون گپ وتران کرسا کرے ہرا پنچ شنبے نادے آ داڑے اوڑتون اوڑدہی کرے۔ اوڑدہی ٹی صوبہ سندھ انا جم حالیت خاص وڑاٹ قائد نا شار اٹی بنجائی حکومت نا کنڈآن ساڑی ٹی پورو کروک آ و برجا شونداری ڈٹ آتا بابت گپ وتران کننگا۔ وزیراعظم کراچی نا الس نا آسراتی و گرج آتے مون آتخسا بنجائی حکومت نا کنڈآن پورو مروک شونداری ڈٹ آتا بابت آن گورنر سندھ انا کڑد انا ستائِ کرے۔ وزیراعظم پارے کہ کراچی نا شونداری پاکستان نا شونداری ئِ۔ ملک انا زرگزرانی ہند انا شونداری گرج و الس ئِ مون تروک آتا جوان سمائِ، و دارداٹ بنجائی حکومت تینا کڑد ئِ ادا کننگ نا پبی کوشست کننگ ئِ۔ وزیراعظم گورنر سندھ ئِ پارت کرے کہ کراچی نا الس نا گرج و راجی آسراتی ئِ مون آ تخسا ایلو شونداری ڈٹ آتا ہم جامع ڈٹ بندی اس کننگے۔ دا بابت آن وزیراعظم اسہ دیوان اسے نا کماشی ئِ کیک ہراٹی کراچی نا گرج آتے مون آتخسا پین شونداری ڈٹ آتا بنائِ کننگ آ سجفنگک۔

Get real time updates directly on you device, subscribe now.

Leave A Reply

Your email address will not be published.