بلوچستان حکومت کرونا وائرس ناتوننگ کن سنجیدہ اف‘ ثناءبلوچ

0

Get real time updates directly on you device, subscribe now.

کوئٹہ (آن لائن) بلوچستان نیشنل پارٹی نابنجائی راہشون و صوبائی اسمبلی نا باسک ثناءبلوچ پارینے کہ بلوچستان حکومت کرونا وائرس ناتوننگ کن سنجیدہ اف‘ دنیا کرونا ئِ جہانی دَین گوندانے و بلوچستان حکومت قومی ویل آ سیاسی جماعت آتے پت اٹ ہلنگتو‘دا قومی ویل اسے‘ بلوچستان اٹ کرونا وائرس نا بھاز آ کیسک اریر ولے اوفتے ڈکنگ انگ ئِ‘ ہراناسوب آن بلوچستان اٹ برانز ہم مننگ اٹی ئِ ولے بنجائی داسکان سنجیدہ اف۔ وزیراعظم بایدے تینٹ بلوچستان نا دورہ ئِ کروسس‘ کرونا وائرس قومی ئُ ویل اسے ولے بنجائی و صوبائی حکومت خاچوک ئُ‘ داسہ ہم وخت ارے کہ دادے کنٹرول کننگ مریک۔ دا خیال آتادرشانی ئِ او نجی ٹی وی تون ہیت وگپ کرسا کرے۔ اوپارے کہ ہراتم ایران اٹ کرونا وائرس نا دَین تالان مس تو بلوچستان نا اپوزیشن جماعت آک بلوچستان حکومت تون ہر وڑ انا کمک نا باور کرفیر ولے بلوچستان حکومت سنجیدگی نشان تتو و داسکان دا بابت ہچ ئُ بست وبند اس کننگتنے۔ ایران و اوغانستان تون ہڑتوم آسیم تیا اینو ہم بندغ آک ہن وبر کننگ ئُ‘ کوئٹہ ٹی کرونا وائرس نا بابت اسہ چناسے نا کیس رپورٹ مس ہراکہ زائرآتتون ہناسُس وداسہ ہم بلوچستان حکومت کرونا وائرس نا بابت معلومداری تے ڈکنگ اٹی ئِ۔ ایران آن ہڑدے نا بنداو آ بندغ آک بریرہ واوفتے ہچ چیک کننگپک‘ بنجائی حکومت ہم صوبائی حکومت تون کمک کننگ کن سنجیدہ اف۔صوبائی حکومت بایدے ایران نا حکومت تون ہیت کروسس کہ ہموڑے زائر آتیکن بست وبند کننگے اگہ بست وبند متوکہ تو تفتان سیم آن زائر آتے ایلو صوبہ غاتیا گدریفنگاکہ ولدا دانا زہم بلوچستان آ کم مسکہ‘دا غٹ حالیت آتا زموار بلوچستان حکومت ئِ‘ حکومت داڑے تینٹ الس تون بیدادی کرینے داسہ ہم وخت ارے کہ او دا باندات گام گیج کے۔

Get real time updates directly on you device, subscribe now.

Leave A Reply

Your email address will not be published.