ملتان سلطانز وکوئٹہ گلیڈی ایٹرز نا میچ پِر آن زہمی‘کوئٹہ نا ویل آک ودار

پاکستان سپر لیگ سیزن 5 نا 25 میکو میچ اٹ اینو لاہور نا قذافی اسٹیڈیم اٹ پوائنٹس ٹیبل قاٹ اولیکو نمبر آ ساڑی ٹیم ملتان سلطانز و دفاعی چمپیئن کوئٹہ گلیڈی ایٹرز نا نیام اٹ میچ پِر انا سوب آن متو۔ پوائنٹس ٹیبل آ اولیکو ٹیم ملتان سلطانز نا ٹیم اولیکو راو ¿نڈ اکن کوالیفائی کرینے ولے کوئٹہ گلیڈی ایٹرز دا وخت آ پوائنٹس ٹیبل آ گڈیکو پوزیشن آ ساڑی ئِ۔ دا میچ انا کینسل آن کوئٹہ نا ایلو راو ¿نڈ اسکان سر مننگ بھاز سخت مسنے۔ انتئے کہ کوئٹہ نا ہفت پوائنٹ ئُُ او دافتا نیٹ رن ریٹ ہم کل ٹیم تے آن بھاز کم ئِ۔ دا کل آن پدکوئٹہ ئِ نہ بیرہ تینا ایلو میچ ئِ بھلو کچ اسے ٹی کٹوئی ئِ وخت اس کہ دا اومیت کروئی ئِ کہ ایلو ٹیمک تینا میچ آتے کٹفر۔ ہڑتوم آ ٹیم تا نیام اٹ مروک آ پنچ میچ اٹ کوئٹہ گلیڈی ایٹرز ئِ مسٹ وخت اس کہ ملتان سلطانز ئِ اِرا اٹ سرسہبی دوئی مسنے۔ دا ٹورنامنٹ اٹ داکان مست ہڑتوم آ ٹیمک ملتان سلطانز نا ہوم گراو ¿نڈ اٹ مون مقابل مسوسر۔ ہراڑے ملتان کوئٹہ نا برخلاف 30 رنز اٹ سرسہبی دوئی کریسس۔ او میچ اٹ ملتان سلطانز نا رائلی روسو نا تینا مالو نا ٹیم انا برخلاف جوان ئُُ سنچری اس ہم اوار ئس۔ دا وخت اسکان دا ٹورنامنٹ اٹ دفاعی چمپیئن کوئٹہ نا کارکڑد بھاز خراب ئِ۔ کوئٹہ گلیڈی ایٹرز دا وخت اسکان ہشت میچ گوازی کرینے ہرافتے آن مسٹ اٹ سرسہبی و پنچ اٹ بے سہبی دوئی مسنے۔ ایلو کنڈ آ ملتان سلطانز نا پرفارمنس بھاز جوان ئِ۔ او دا وخٹ اسکان ہفت میچ اٹ پنچ اٹ سرسہبی دوئی کرینے، اسٹ اٹی بے سہبی او اسٹ اس پِر انا سوب آن کینسل مسوسس۔ کوئٹہ گلیڈی ایٹرز نا سکواڈ اٹ سرفراز احمد (کیپٹن)، جیسن روئے، شین واٹسن، احمد شہزاد، اعظم خان، ، بین کٹنگ، محمد نواز، سہیل خان، محمد حسنین، فواد احمد، زاہد محمود، عبدالناصر، کیمو پال، نسیم شاہ، ٹائمل ملز، خرم منظور، عریش علی خان ئُُ، وخت اس کہ ملتان سلطانز نا اسکواڈ اٹ شان مسعود (کیپٹن)، شاہد آفریدی، رائلی روسو، معین علی، عمران طاہر، خوشدل شاہ، محمد الیاس، محمد عرفان، شہیل تنویر، ذیشان اشرف، روی بوپارا، جیمز ونس، عثمان قادر، روحیل نظیر، وین میڈسن، جنید خان، بلاول بھٹی، فیبین ایلن، علی شفیق اوار ئُُ۔