روس و ترکی نا نیام اٹ شام اٹ سےز فائر نا پڑو

ماسکو(آن لائن )ترکی و روس شام نا سویل دے کی علاقہ ادلےب اٹ سےز فائر نا پڑو ئِ کرے۔ در ملکی خبر رساں ادارہ نا رداٹ دا ہیت انا فےصلہ ہڑتوم آ ملک آتا راہشون تا ماسکو ٹی مروک آ دیوان آن پد کننگا۔ دیوان آن پد ترک صدر رجب اردگان صحافی تتون ہیت وگپ کرسا پارینے کہ سےز فائر اٹی ترکی شام نا کنڈآن کروک آ جلہو تا جوان وڑاٹ ورندی تے تننگ نا حق تخنہ۔ او پارینے کہ شام اٹ بحران تا ایسری و امن اتنگ اسکان ترکی ہر وڑ نا گام گیج کیک۔ او پارینے کہ نن شام اٹ سےاسی اواری و امن انا خواہندار اُن او داڑکن کوشست آک برجا ئُ۔