چین و سویلی کوریا ٹی کروناوائرس نا کیس آتے کمتی بننگ ئِ،جہانی جانجوڑی ادارہ

اسلام آباد(اے پی پی) جہانی جانجوڑی ادارہ کروناوائرس نا تالانی و شدت آ گڑتی نا درشانی ئِ کرسا پارینے کہ کروناوائرس تون مون تننگ کن ایمرجنسی رسپانس ئِ ودفر، غٹ ملک آک تینا ہسپتال آتے تیار تخر، غٹ ملک آک تینا ہیلتھ ورکرز آتے ٹریننگ ایتر، کرونا وائرس نا ہر ناجوڑ نا درمان ئِ برجاتخر، کروناوائرس آن زہمی بندغ تون رابطہ ٹی مروک آ ہر بندغ نا ڈس و نشان ئِ خلنگے۔جہانی ادارہ جان جوڑی نا کمامدارآک پاریر کہ کرونا بیرہ السی جان جوڑی نا تنکی اف ، ہر بشخ ئِ زہمی کیک۔ ہر سیکٹر و ہر بندغ کرونا وائرس تون مون تننگ اٹ بشخ ہلیر۔ کرونا وائرس نا90 درسد کیس بیرہ 4 ملک آتے ٹی ءُ۔ اوپاریر کہ 57 ملک آتے ٹی 10یا اوکان کم کیس رپورٹ مس۔ داوخت اسکان 114 ملک آتے ٹی کرونا وائرس نا اسہ لکھ 18 ہزار کیس رپورٹ مسنے۔ کمامدارآتا رداٹ چین و سویلی کوریا ٹی کرونا وائرس نا کیس آتے ٹی ترندی اٹ کمتی بننگ ئِ۔