عدالتی پرمان نا رداٹ گچین کاری تا شیڈول نا پڑو ءِ کننگے، ڈاکٹر شہزاد وسیم

اسلام آباد :  سینیٹ اٹی قائد حزب اختلاف سینیٹر ڈاکٹر شہزاد وسیم پارینے کہ صوبہ پنجاب اٹی عدالتی پرمان نا رداٹ گچین کاری تا شیڈول نا دمدستی پڑو ءِ کننگے۔ دوشنبے نا دے آ سینیٹ نا دیوان اٹی گپ وتران کرسا اوپارے کہ ملک اٹی دہشت گردی نا واقعہ غاتیٹی ودکی مننگ ءِ، دا بابت سنجیدہ حکمت عملی اس جوڑ کننگ نا گرج ءِ۔ اوپارے کہ سینیٹر شوکت ترین ءِ دزگیر کننگ نا بابت بیان مون آ بسنے۔ اوپارے کہ عدالت صوبہ پنجاب اٹی 90 دے اٹی گچین کاری کرفنگ نا پرمان کرینے، گچین کاری تا شیڈول نا دمدستی پڑو ءِ کننگے۔

(اے پی پی)