قطبی وزیرستان، سیکورٹی فورس آتا کارروائی‘ اسہ دہشت گراس خلنگا‘ مسٹ دزگیر
Get real time updates directly on you device, subscribe now.
پشاور : قطبی وزیرستان اٹ سکیورٹی فورس آتا کارروائی ٹی اسہ دہشت گرد اس خلنگا وخت اس مسٹ ءِ دزگیر کننگا‘ لکی مروت اٹ پولیس چوکی آ دہشتگرد آتاجلہو ءِ بے سہب کننگا وخت اس کہ پشاور خود کش دھماکہ ٹی کودک آنمازی تا شہید مننگ و قرآن پاک نا بے حرمتی نا باندات آ ٹی ٹی پی نا ارا پڑک نا نیام اٹ جنگ انا سوب آن 4 اہم کمانڈر تون اوار 8 دہشتگرد زوال مسنو۔حوالی نا رد اٹ قطبی وزیرستان اٹ دہشت گرد آتا ساڑی مننگ نا حوال آ سکیورٹی فورس آتا کنڈآن آپریشن کننگا ہراٹی اسہ دہشت گرد اس خلنگا وخت اس کہ مسٹ ءِ دزگیر کننگا‘ دزگیر دہشت گرد آتیان سلہہ ومنچر دوئی کننگا‘ ایلو کنڈآ لکی مروت اٹ بخمل احمد زئی پولیس چوکی آ دہشتگردی نا جلہوءِ بے سہب کننگا۔12دہشتگرد جلہو کریر ہرادے پولیس کارندہ غاک وخت آ کارروائی کرسا بے سہب کریر۔ایلو کنڈآ پشاور خود کش دھماکہ ٹی کودک آ نمازی تا شہید مننگ و قرآن پاک نا بے حرمتی آ ٹی ٹی پی نا اِرا پڑک نا نیام اٹ جنگ مس ہراٹی 4اہم کمانڈر تون اوار 8 دہشتگرد زوال مسر۔
(آن لائن)