پارٹی صدارت ءِ الیتنٹ، گیشتری نا فیصلہ ءِ منوہ، جام کمال خان

0

Get real time updates directly on you device, subscribe now.

کوئٹہ: بلوچستان عوامی پارٹی نا صدر ووزیراعلیٰ بلوچستان جام کمال پارینے کہ پارٹی صدارت آن استیفہ تننگ ناسلاہ تسوسٹ‘ نوشت اٹ استیفہ تتنٹ‘ اگہ کس انا فیصلہ غاتیان منہ بندغ اختلاف کیرہ تو گیشتری آ اوفتے ہم فیصلہ ٹی اوار مروئی تمک‘ ہرا 14 باسک بے پتی نا درشانی ءِ کرینو اوفک پاش ہم بایدے مریر۔ بے پتی نا تحریک ناپیش مننگ آ گیشتری نافیصلہ ءِ امنا کیوہ‘ سیاسی باندات آتے ٹی نئے خطرہ مریک ونئے چٹک‘ بلوچستان عوامی پارٹی آن پین ہچ ءُ پارٹی اس جوڑ مفننگ اٹی ءِ‘ بی اے پی مست آن زیات سوگو مریک‘ نن اخیر اسکان کوشست کینہ کہ کل اسٹ مرین۔ دا خیال آتا درشانی ءِ او وزیراعلیٰ ہاؤس اٹ پریس کانفرنس آن تران کرسا کرے۔ دا وخت آ صوبائی وزیر نوابزادہ طارق مگسی، میرعارف محمدحسنی، میر ضیاء اللہ لانگو، حاجی مٹھا خان کاکڑ، سردارسرفراز ڈومکی، حاجی محمدخان طوراتمانخیل، پارلیمانی سیکرٹری ڈاکٹرربابہ بلیدی، سردارمسعود لونی، خلیل جارج، سینیٹر انوارالحق کاکڑ، پرنس آغا عمر احمدزئی وایلوفک ہم ساڑی ئسر‘ جام کمال پارے کہ ای پارٹی امور تا بابت اسہ استخواہی اسے نا درشانی ءِ کریٹ ہراڑا بھاز آ سنگت آک ناراض مسوسر‘ سنگت آک ہرا وڑ کنے آ پت انا درشانی کرینو ای اوفتا منت ءِ ہرفوہ‘ ننا ارادہ ئس کہ اکتوبر یا نومبر اٹ پارٹی نا گچین کاری تے کرفن ولدا ہرا صدر مریک ہمو باندات آتے ہُرک‘ نن کیہی وار ناراض باسک آتے خوش کننگ ناکوشست کرین۔ پارٹی صدارت آن استیفہ نا استخواہی ءِ تینا سنگت آتا ضد کننگ آپدی ہلنگ اٹی اٹ‘ کوشست کیوہ کہ گچین کاری تسکان غٹ باندات آتے گچین وڑ اٹ مونی دیو، بلوچستان عوامی پارٹی اسہ جمہوری ءُ جماعت اسے ٹویٹر آاستیفہ ناسلاہ کنا جند انائس سنگت آتتون سلاہ غان بیدس ٹویٹ کریسٹ ہراٹی نوشتہ کریسٹ کہ ای عہدہ غان ’ری لینگوش‘ کننگ کیوہ‘ ولے نوشت اٹ استیفہ تتنٹ‘ ای کوشست کیوہ کہ باندات آتے مثبت وڑ اٹ مونی دیو‘ پارٹی نا منہ بندغ مس انڈرسٹینڈنگ نا گواچی ءُ حالانکہ مجلس جوڑ کننگ بھلو ہیت اس اف‘ اگہ دا بندغ آک بسرہ تو نن توسنہ ہیت کینہ ولے ناراض بندغ آک پارٹی ءِ اسہ کنڈ کرینو‘ پارٹی صدارت نا بابت پارٹی نا پلیٹ فارم ارے ہراڑے دا فیصلہ غاک مریرہ‘ اگہ ایگزیکٹو کونسل جم وڑ اٹ فیصیلہ کیک تو ہچ ءُ ہیت اس جوڑ مفک۔ اوپارے کہ پاکستان تحریک انصاف نا بیرہ اسہ باسک اسے آن بیدس ایلو کل باسک آک کنا مخ تفی ءِ کرینو، میر جان محمدجمالی تون اوڑدہی مسنے‘ بروک آدے تے ٹی کل سنگت آک اسیجا تولنہ۔ او پارے کہ دا باندات نا ہراتم بناءِ کننگا اول اٹ تو بھاز آبندغ آتے پاننگتویسس نن کیہی وار ناراض بندغ آتا ہنکین آہنان اوفک ننے بخیر کریر‘ اسٹ ایلو نا ہیت آتے بنگونن۔اوپارے کہ شونداری کاریم تتون اوار کل امورک برجاءُ‘ اسہ چاگڑد اس جوڑ مسنے‘ او آصف علی زرداری تون اوڑدہی نا تردید ءِ کرسا پارے کہ 3 آن 4سال اٹ ہچ ءُ اوڑدہی اس متنے ولے ای کل ءِ شرف ایتوہ، سیاسی باندات آتے ٹی خطرہ سلک چٹپک۔ اوپارے کہ نن تون نئے درگہ ارے نئے کھڑکی کل اکن حاضر ان۔

آن لائن

Get real time updates directly on you device, subscribe now.

Leave A Reply

Your email address will not be published.