مریم نواز پنجاب اٹ پی پی تون سیٹ ایڈجسٹمنٹ نا سلاہ ءِ منتو
اسہ حلقہ اسے ٹی اسٹ آن زیات اومیتدار ءُ، پیپلز پارٹی ءِ امر ایڈجسٹ کین؟ پی پی مگہ سندھ اٹ نن تون ایڈجسٹ کیک؟
Get real time updates directly on you device, subscribe now.
لاہور : مسلم لیگ(ن) چیف آرگنائزر مریم نواز بھلو فیصلہ اس کرسا پنجاب اٹ پیپلز پارٹی نا سیٹ ایڈجسٹمنٹ نا سلاہ ءِ منتو، پیپلز پارٹی قومی اسمبلی نا 15 و صوبائی اسمبلی نا 25 نشست خواہسوسس، وزیراعظم شہباز شریف و آصف زرداری نوازشریف تون ہم دا باندات آ رابطہ کریسس ولے مریم نواز تینا فیصلہ غا جک سلیس‘ حوالی نا رد اٹ پنجاب اسمبلی نا گچین کاری تے ٹی پیپلز پارٹی ن لیگ تون سیٹ ایڈجسٹمنٹ نا سلاہ تسوسس ولے مریم نواز داسلاہ ءِ اسُل مسترد کرینے، مسکوہی صدر آصف زرداری ن لیگ آن قومی اسمبلی نا15 و پنجاب اسمبلی نا 25 نشست خواہسوسس و سلاہ تسوسس کہ دا نشست آتیا ن لیگ ننا اومیتدار آتا مخ تفی ءِ کے و تینا اومیتدار آتے سلفپ‘ حوالی نا رد اٹ دا بابت وزیراعظم شہباز شریف پیپلز پارٹی تون سیٹ ایڈجسٹمنٹ آ ہیت کننگ کن تیار ئس و ہڑتوم آ راہشونک نوازشریف تون ہم ہیت کریسر ولے مریم نواز پیپلز پارٹی تون گچین کاری سیوت و سیٹ ایڈجسٹمنٹ نا مخالفت ءِ کرے۔ مریم نواز نا موقف دادے کہ ننا جند انا اومیتدار آک اسہ حلقہ غان اسٹ آن زیات ءُ‘ پی پی ءِ امر ایڈجسٹ کننگ کینہ‘ تحریک انصاف ءِ السا ن لیگ اٹ بروک آتے ہم ایڈجسٹ کروئی ءِ، مریم نواز پارے کہ مگہ پیپلز پارٹی کراچی یا سندھ اٹ ن لیگ تون سیٹ ایڈجسٹ کیک؟اگہ دا وڑمننگ کیک تو دا بارو اٹ اسہ لائحہ عمل اس تیار کننگ مریک، پنجاب نا سیاست بنجا ٹی کاریم بریک نن تینا کٹوک آ سیٹ آتے امر پیپلزپارٹی ءِ ایتن‘ حوالی نا رد اٹ مسلم لیگ (ن) نا سینئر سرکڑدہ غاتا گیشتری مریم نواز نا موقف نا مخ تفی ءِ کرینے۔ حوالی نا رد اٹ مسلم لیگ (ن) نا نمن مننگ آن پد آصف زرداری نا جند متحرک مسنے و یوسف رضا گیلانی، احمد محمود وایلو راہشون تے ن لیگ و تحریک انصاف نا سینئر راہشون تے پی پی پی ٹی اوار کننگ نا ٹاسک تسنے۔
(آن لائن)