پولیو تور مہم اینو دو شنبے آن بنا کیک
Get real time updates directly on you device, subscribe now.
اسلام آباد : سندھ و پنجاب اٹ پنچ سال آن کم وئی انا 21.54 ملین آن زیات چناتے پولیو نا پڑی کنفنگ نا اینو دوشنبے آن بنا کیک‘ ہفتمیکو قومی مردم شماری نا سرجز آتا سوب آن پنچ دے ئی پولیو مہم اِرا ریسہ ٹی اڈ تننگک‘ اولیکو ریسہ ٹی 13 غان 17 مارچ اسکان پنجاب نا 13 ضلع، سندھ انا 16 ضلع و اسلام آباد اٹ 5 سال آن کم وئی انا 17.41 ملین آن زیات چناتے پولیو نا رکھی پڑی کنفنگک‘ ارٹمیکو ریسہ 03 آن 07 اپریل اسکان مریک‘روچہ نا ارٹمیکو ہفتہ ٹی بلوچستان نا 12 ضلع و خیبر پختونخواہ نا 26 ضلع وصوبہ نا سویلی علاقہ غاتا ہفت ضلع ٹی 4.12 ملین آن زیات چناءِ پولیو آن بچفنگ نا پڑی کنفنگک۔ بنجائی وزیر جانجوڑی عبدالقادر پٹیل باوہ لمہ غاتیا زور شاغانے کہ او دا ہیت ءِ پک کیر کہ اوفتا چناتے پولیو ویکسین تننگانے تاکہ او پولیو وائرس آن رکھوک مریر ہرا چاگڑدی نمونہ غاتے ٹی خننگانے۔ وزیر جانجوڑی عبدالقادر پٹیل پارینے کہ چاگڑد اٹ پولیو وائرس ناساڑی مننگ آن دا ہیت پک ءِ کہ دا وائرس ننا خلق آتے ٹی پیری کننگ اٹی ءِ و ننا چناتیکن بھلو خطرہ اسے۔
(آن لائن)