مدرسہ و جمعیت علماء اسلام اسٹ ایلوکن جوڑءُ‘ مولانا واسع

ہرنائی : جمعیت علماء اسلام نا صوبائی امیر بنجائیوزیر ہاؤسنگ اینڈ ورکس مولاناعبدالواسع پارینے کہ مدرسہ و جمعیت علماء اسلام اسٹ ایلوکن ءُ‘ ہراتم ہم مدرسہ غاتیا خراب حالیت بسنے تو جمعیت علماء اسلام متحرک مسنے۔ شعائراسلام نا رکھ جمعیت علماء اسلام نا منشورءِ‘ جمعیت نا بنداو کارندہ غاک ءُ دُنکہ شیخ الہند ئس او ہم مدرسہ نا طالب علم اس ئس ولے او جمعیت نا سرکڑدہی ءِ ہم کرینے‘ اوپارے کہ انسان نا اصل لویس تقوی ءِ اگہ کس اسے ایمان ءِ سوگو کروئی ءِ تو اونا زیبائی حیا ءِ و اونا بھرم علم ءِ‘ اگہ کس اس علم دوئی کرے تو الس اوڑان فائدہ ہرفنگ کیک‘ عالم دینک مدرسہ غاتے جوڑ کرینو‘ ایسٹ انڈیاکمپنی مدرسہ غاتا برخلاف ہر وڑ انا سازش کرے ولے او بے سہب مس و اونا مون اٹ اڑاند عالم دینک ئسر۔اینو مدرسہ غاتا کچ ہنداخس زیات ءِ کہ خلق اسے ٹی پرائیویٹ اسکول مفرو ولے مدرسہ ارے و مفت تعلیم تننگک۔ اوپارے کہ پاکستان نا بقاء و سالمیت مدرسہ غاتا سوب آن ءِ۔

(آن لائن)