عمران خان جناح ہاؤس جلہو تون اوار مسہ پین کیس اٹ دوبہ دار پن

انویسٹی گیشن و دوبہ دار آتا بیان تے مون آ تخسا چیئرمین پی ٹی آئی ءِ لاہور اٹی دہشتگردی نا مسہ مقدمہ ٹی پن کننگانے

0

Get real time updates directly on you device, subscribe now.

اسلام آباد :  سانحہ 9 مئی نا واقعہ غاتیا درج دہشت گردی نا مقدمہ غاتے ٹی اہم پیش رفت مسنے‘پولیس حوالی نا رد اٹ پاکستان تحریک انصاف (پی ٹی آئی) نا چیئرمین عمران خان ءِ و دہشت گردی ناپین مسہ مقدمہ ٹی پندار کننگانے‘ پولیس حوالی نا رد اٹ چیئرمین پی ٹی آئی ءِ جناح ہاؤس جلہو و عسکری ٹاور جلہو نا مقدمہ غاتے ٹی پندار کننگانے‘ داڑتون اوار عمران خان ءِ ماڈل ٹاؤن وزیر اعظم سیکرٹریٹ آ جہو نامقدمہ ٹی پن کننگانے‘ پولیس پارینے کہ لاہور اٹ پی ٹی آئی نا چیئرمین نا برخلاف دہشت گردی نا ٹک آتا رد اٹ 7 مقدمہ درج ئسر و داسہ پین مقدمہ غاتے ٹی پندار مننگ آن پد پی ٹی آئی نا چیئرمین نا برخلاف دہشتگردی نا مقدمہ غاتا کچ 10مسنے‘پولیس نا رد اٹ انویسٹی گیشن آن پد لاہور اٹ دہشتگردی نا 3 مقدمہ ٹی چیئرمین پی ٹی آئی ءِ پندار کننگا‘ دزگیر دوبہ دار آتا بیان تا رد اٹ اودے پندار کننگا‘ پولیس نا رد اٹ عمران خان آ 9 مئی نا واقعہ غاتیا پنجاب نا ایلو ضلع غاتے ٹی دہشتگردی نا 19 مقدمہ ءُ‘ چیئرمین پی ٹی آئی ءِ ملتان نا 3، راولپنڈی نا 2 مقدمہ ٹی پندار کننگا‘ وخت اس کہ فیصل آباد نا 2، گوجرانوالا و میانوالی ٹی اسہ اسہ دہشتگردی نا مقدمہ ٹی پندار ءِ‘ یات سلے کہ ہندا سال نُہہ مئی آ پاکستان تحریک انصاف نا چیئرمین عمران خان نا دزگیری آن پد پی ٹی آئی نا کارندہ غاک ملک انا چندی شار تے ٹی برانز‘ پرغ بٹ کریر۔ پی ٹی آئی نا کارندہ غاک جناح ہاؤس لاہور تون اوار فوجی میرات‘ تاریخی ماڑی‘ سرکاری میرات‘ شہدا تا یادگار و گاڈی تے خاخر تسوسر وخت اس کہ پاک فوج 9 مئی ءِ تہار دے گوندا۔ داکان گڈ آرمی چیف جنرل عاصم منیر ناکماشی ٹی خصوصی کور کمانڈرز کانفرنس اٹ فوجی میرات آتیا جلہو کروک دوبہ دار آتا برخلاف آرمی ایکٹ و آفیشل سیکرٹ ایکٹ انا رد اٹ ٹرائل نا فیصلہ کننگاسس ہرادے قومی سلامتی کمیٹی ہم پک کرے۔

(مانیٹرنگ ڈیسک)

Get real time updates directly on you device, subscribe now.

Leave A Reply

Your email address will not be published.