ہراتم اسکان وام آ چلینگون، تینا نت تیا سلوئی تمک، شہباز شریف

اسلام آباد :  وزیراعظم شہباز شریف پارینے کہ اینو پاکستان اٹ زرگزرانی شونداری و شونہالی کل آن چیلنج آک ءُ‘ ننے تینا نت تیا سلوئی مریک‘ ننا ایلم ملک سعودی عرب اِرا ارب ڈالر اسٹیٹ بینک نا خزانہ ٹی جمع کرفینے ہراڑکن ای سعودی عرب نا است انا ہُب اٹ منتواری ءِ ہرفیٹ ولے نن آخر ہراتم اسکان وام ہلسا ملک ءِ چلیفسا کینہ‘ 90نا دہائی ٹی پاکستان زرگزرانی وڑ اٹ سوگو ئس‘ پاکستان اٹ ٹیلنٹ نا کمتی اف گرج دا گڑاناءِ کہ دا ٹیلنٹ ءِ کاریم اٹ اتوئی ءِ‘ وارخواہی فراوان کروئی ءِ‘ نیاڑیک ننا راج انا اہم ءُ بشخ اسے ءُ۔ 75سال گدرینگ انگ آن پد ہم نیاڑی تا حق آتیکن کاریم کننگ تنے‘ زالبول آک ملک اٹ اہم انگا عہدہ غاتیاکاریم کننگ اٹی ءُ‘ ننا آبادی نا نیمہ بشخ نیاڑی ءِ‘ نیاڑیک ننا راج انا اہم ءُ بشخ اسے ءُ‘ نیاڑیک چناتا تعلیم وہیلکاری ٹی اہم کڑدار ادا کیرہ‘ قومک نیاڑی تیان بیدس شونداری نا مزل آسر مننگ کپسہ‘ نیاڑی تے گچین وارخواہی فراوان کروک قومک شونداری ٹی بھاز مونی ءُ، پنجاب اٹ مار ومسن تیکن سکلز پروگرام نا بناءِ کننگا‘ مچ آملک انا نیاڑی تیکن وزیراعظم بااختیار پروگرام جاری کننگ نا وخت آتران کرسا شہباز شریف پارے کہ ننا آبادی ٹی نیمہ غان زیات ہم نیاڑیک ءُ و ننا راج انا اسہ بھلو تپّہ اس لمہ غانبار چناتے اُراٹی تعلیم تون اوار اوفتا ہیلکاری بھلا تے شرف تننگ ءِ ہیل ایتک و راج اٹ لمہ نا وڑ اوفتا کڑداربھاز اہم ءِ۔ وزیراعظم پارے کہ اینو 75سال گدرینگ انگ آن پد ہم پاکستان اٹ نیاڑی تا حق‘ اوفتے واکدار کننگ‘ اوفتا شرف‘ اوفتیکن وارخواہی فراوان کننگ متنے‘ چاہے اسلامی دنیا مرے یا دیکی ملک آک ہموڑے نیاڑیک ملک انا شونداری ٹی تینا کڑدءِ ادا کریر تو ہمو قومک مونی ہنانو و پاکستان ءِ دا باندات اٹ داسکان بھاز سفر کروئی ءِ‘ اوپارے کہ پنچ ارب روپئی نا دا پروگرام نت اٹ بے انا کچ آٹے‘ نن تینا مسکوہی دور اٹ سویلی پنجاب اٹ مسن تے کیہی ہنر تے ہیل تسن و دا رد اٹ بھاز زرکاری کرین‘ نن مسن تا تعلیم ءِ شون تسن و مسن تیکن تو انا وظیفہ ہم پک کرین۔ وزیراعظم پارے کہ نیاڑی تیا بیداد نا برخلاف پنجاب اولیکو صوبہ ئس ہرا دا رد اٹ کارروائی نابناءِ کرے و ہرانا خلق و مر انگا شار تے ٹی ہم نیاڑی تے فائدہ مس ولے داڑان زیات ننے اینو مون تروک چیلنج آتے کل آن بھلا چیلنج زرگزرانی شونداری و شونہالی ءِ۔

(آن لائن)