بلوچستان اٹ جمعیت نا سرسہبی کل ءِ مبارک مرے، مولانا غلام نبی
Get real time updates directly on you device, subscribe now.
نوشکے : جمعیت علمائے اسلام نوشکے نا ضلعی مجلس شوریٰ نا دیوان ضلعی امیر مولانا غلام نبی نا کماشی ٹی اڈ ہلک دیوان نا ایجنڈا جماعتی اموربلدیاتی الیکشن اٹ جماعتی کارکڑد و باغی چیئرمین و کونسلر آتا بارواٹ فیصلہ ئس دیوان اٹ ضلعی شوری نا باسک آک بھلو کچ اسے ٹی بشخ ہلکر۔ ضلعی امیر و سیکرٹری جنرل حاجی منظور احمد مینگل شوری باسک آتیان سلاہ بٹنگا۔ شوریٰ نا باسک آک جماعت نا جوانی، فعالیت و شونداری کن تینا تینا رائے و سلاہ تے پیش کریر۔ ضلعی امیر مولانا غلام نبی و سیکرٹری جنرل حاجی منظور احمد مینگل پارینے کہ مچ آ بلوچستان اٹ بھلو کچ اسے ٹی کٹنگ آ جمعیت علمائے اسلام و صوبائی کماش و ہندی جماعت آتا جہد و سرسہبی ءِ مبارکباد پیش کیرہ او تدوک آ اسہ سال آن زیات انا وخت بلدیاتی الیکشن نا رپورٹ نا حالیت اٹ پیش کرسا پارینے کہ الحمدللہ دا وار جمعیت نا کماش، کماش آتا فیصلہ و کارندہ غاتا اُست انا ہب اٹ جہد آن جمعیت کل آن بھلا طاقت جوڑ مرسا مون آ بس۔ بنائی مرحلہ ٹی ڈسٹرکٹ کہول آ کل آن زیات جمعیت نا کونسلر آک سرسہب مسر ولدا ہندا کونسلر آتا ووٹ آن بھلو کچ اسے ٹی خاص ءُ سیٹ کٹار۔