نواب محمد اسلم رئیسانی تون سوشل ورکرحافط عبدالوحید ابابکی نا اوڑدہی
Get real time updates directly on you device, subscribe now.
کوئٹہ: مسکوہی وزیراعلیٰ بلوچستان چیف آف سراوان نواب محمد اسلم رئیسانی تون تدوک آ دے سوشل ورکرحافظ عبدالوحید ابابکی اوڑدہی کرے۔ داوخت آ گپ وتران کرسا مسکوہی وزیراعلیٰ بلوچستان و چیف آف سراوان و صوبائی اسمبلی نا باسک نواب اسلم رئیسانی پارے کہ الس ءِ بنداوی آسراتی تا فراوانی اولیت آتیٹی اوار ءِ صدیق آباد نا الس ءِ کنوئی آ ساف دِیرانا فراوانی و ڈی سی ہاؤس آن سریاب فارم صدیق آباد شیخ واصل روڈ ءِ پی ایس ڈی پی 2023-24ء ٹی اوار کننگانے دا روڈ ءِ نیشنل ہائی وے تون گنڈنگک ہراڑان نئے بیرہ الس ءِ سفر نا گچین آسراتی دُوبریک بلکن ٹرانسپورٹرآتے ہم فائدہ رسینگک۔ سوشل ورکرحافظ عبدالوحید ابابکی صدیق آباد کن واٹر سپلائی اسکیم نا فراوانی و روڈ انا تفنگ نا اسکیم ءِ پی ایس ڈی پی ٹی اوار کننگ آ چیف آف سراوان نواب محمد اسلم رئیسانی نا منت واری ءِ ہرفے۔
(اے پی پی)