نواز شریف مولانا فضل الرحمن ءِ خوش کننگ کن دبئی آ بٹنگا
Get real time updates directly on you device, subscribe now.
اسلام آباد : مسلم لیگ ن نا قائد میاں نواز شریف پی ڈی ایم نا سروک مولانا فضل الرحمن نا ناراضگی ءِ چٹفنگ کن دبئی آ خواہفے تے، نواز شریف مولانا فضل الرحمن نا گڑتی تے ایسر کیک‘ نواز شریف لندن نا جاگہ غا سعودی عرب آن دبئی آ کاہک و مولانا فضل الرحمن ءِ ہم دبئی آ بننگ نا سلہ خلنگانے‘ نواز شریف دبئی ٹی مروک اوڑدہی نا بابت مولانا فضل الرحمن ءِ سلاہ اٹ ہلیک۔ حوالی دا ہم پارینے کہ پاکستان پیپلزپارٹی ہم وخت آگچین کاری کرفنگ کن نوازشریف آ کلہو راہی کرینے و آصف زرداری نواز شریف ءِ وخت آگچین کاری کرفنگ آ منفینے۔ یات سلے کہ پی ڈی ایم نا سروک مولانا فضل الرحمن دبئی ٹی سیاسی جماعت آتا نیام اٹ مروک اوڑدہی تے ٹی اودے سلاہ اٹ ہلپننگ آ ن لیگ آن غاو کریسس ہراڑا لیگی قائد میاں نواز شریف اودے دبئی آبننگ ناسلہ خلکنے۔
(آن لائن)