بندرگاہ نا جوڑی آن پد گوادر نا اہمیت پین ودانے‘ ملک ولی کاکڑ

گوادر : گورنر بلوچستان عبدالولی خان کاکڑ پارینے کہ گوادر تینا قدرتی جغرافیائی جوڑی نا سوب آن ہر وخت جہانی زرگزران نا سجفنگ نا ہند مسنے۔ دیر انا کڑمبی ٹی بندرگاہ نا جوڑی آن پد گوادر نا اہمیت پین ودانے۔ ہراکہ ڈیہہ اٹ شپنگ نا گونڈ انگا روٹ ءِ۔ دا خیال آتا درشانی ءِ او ادارہ ترقیات گوادر اٹ اسہ بریفنگ اسے ٹی بشخ ہلنگ نا وخت آ ہیت وگپ کرسا کرینے۔ ڈائریکٹر جنرل ادارہ شونداری گوادر مجیب الرحمٰن قمبرانی گورنر بلوچستان ملک عبدالولی خان کاکڑ ءِ بریفنگ ترسا پارینے کہ گوادر اٹ قدرتی و انسانی وسیلہ غاتا شونداری کن سرمایہ کاری نا جوان ءُ ڈٹ بندی اس کننگا و دا مسخت کن ماسٹر پلان اس جوڑ کرسا اوڑا عملدرآمد کننگ کن گوادر ڈویلپمنٹ اتھارٹی گوادر تینا بنائی دے تیٹی گوادر نا بنداوی جون انا جوڑی آ زور شاغانے۔ بریفنگ اٹ پاننگا کہ گوادر ماسٹر پلان نا بنائی دے تیٹی بنداوی زند انا گرج و اُلسی نوعیت نا بھلو بھلو ڈٹ جوڑ کننگانے۔ ہرافتیٹی 22 جتا جتا روڈ، جی ڈی اے پبلک ہائر سیکنڈری اسکول، 70 بیڈ انا جی ڈے اے ہسپتال، ماہی گیر تیکن ارا جیٹیز سربندر پشکان، اسپورٹس کمپلیکس، پارکس، و گوادر انسٹیٹیوٹ آف ٹیکنالوجی جوان ءُ۔ جی ڈی اے نا جوڑی نا بنداوی مسخت گوادر شار ءِ اونا قدرتی محل وقوع نا سوب آن و جہانی اہمیت نا پیشِ نظر جوڑی نا کاریم تیان گدریفوئی ءِ۔ حوال نا رداٹ دیر انا کڑمبی ٹی بندرگاہ نا جوڑی آن پد گوادر نا اہمیت پین ودانے۔ ہراکہ ڈیہہ اٹ شپنگ نا گونڈ انگا روٹ ءِ۔

(خ ن)