ورنا تے روزگار تننگ کن گام گیج کننگ انگ ءِ‘ حاجی محمد خان اوتمانخیل
Get real time updates directly on you device, subscribe now.
لورالائی : لورالائی صوبائی وزیر صنعت وتجارت وچیئرمین بلوچستان اسپیشل اکنامک زون اتھارٹی حاجی محمد خان طور اتمانخیل پارینے کہ او لورالائی نا اُلس اٹ ہچ ءُ فرق اس کپک، اُلس تون گچین کاری تیٹی کروک آ وعدہ غاتے پورو کننگ نا کوشست کننگ اٹی ءِ۔ او پارینے کہ جانجوڑی، تعلیم، کشت وکشار و کننگ کن ساف ءُ دیر انا ڈٹ آتیا خاص سجفنگ انگ ءِ۔ دا خیال آتا درشانی ءِ او تدوک آ دے لورالائی پریس کلب نا صدر خان محمد خانو تون ہیت و گپ کرسا کرے۔ او وخت آ لورالائی پریس کلب نا جنرل سیکرٹری محمد نعیم ناصر، سینئر صحافی میاں محمد طاہر بشیر آرائیں و محکمہ انفارمیشن نا محمود بلوچ ہم ساڑی ئس۔ صوبائی وزیر حاجی محمد خان طور اتمانخیل پارینے کہ او گچین کاری ٹی کروک آ تینا وعدہ نا رداٹ لورالائی نا کم و ود ً2000 نا کچ اٹ سرکاری ادارہ غاتیٹی تعیناتی نا آڈر بشخ وپانٹ کرینے و اوفتیٹی حلقہ نا کل قوم تا بے روزگار ورناک اوار ءُ، ہراٹی غریبی و مزور انگا بندغ آک اوار ءُ۔ اوفتا کوشست ءِ کہ کل بے روزگار ورنا تا زیات آن زیات روزگار نا وارخواہی فراوان کننگے تانکہ ننا ورنا تے روزگار رسینگسا علاقہ نا شونداری ٹی کڑد ادا کننگ کیر۔
(خ ن)