جمعیت نا کوئٹہ نا سیٹ آ محمود خان اچکزئی نا مخ تفی نا فیصلہ
Get real time updates directly on you device, subscribe now.
کوئٹہ: جمعیت علماء اسلام حلقہ این اے265 آ پشتونخواہ ملی عوامی پارٹی نا پندار اومیتدار محمود خان اچکزئی نا مخ تفی نافیصلہ کرے‘ یات سلے کہ جمعیت علماء اسلام نا اومیتدار مولانا عبدالرحمن رفیق پندار کاغد جمع کرفتو۔ قومی اسمبلی نا حلقہ این اے 265 نا گچین کاری تا اینو آن 13 فروری اسکان پندار کاغد آتا جاچ ہلنگک۔ ریٹرننگ افسرآتا کنڈآن پندار کاغد آتا منظوری یا مسترد مننگ نا برخلاف اپیل آک 16 فروری اسکان تعلقدار ایپلیٹ ٹربیونل تون جمع کرفنگ مریرہ۔ ایپلیٹ ٹربیونل نا کنڈآن اپیل آتیا فیصلہ 20 فروری اسکان کننگک۔ شیڈول نا رد اٹ 21 فروری آ اومیتدار آتا اولسرجاچ مہشون ءِ جاری کننگک۔ 22 فروری اسکان پندار کاغد آتے پدی ہلنگک و 23 فروری 2023 آ اومیتدار آتے پک مہشون جاری کننگ و اوفتے گچین کاری نشان الاٹ کننگک وخت اس کہ پولنگ 16 مارچ 2023 آ مریرہ۔
(آن لائن)