حکومت چک و تاڑ ءِ بس کے، گچین کاری کن تیاری کے، اسد عمر

لاہور : تحریک انصاف نا جنرل سیکرٹری اسد عمر پارینے کہ حکومت چک وتاڑ ءِ بسک ے او گچین کاری تیان نرنگ کپک‘ او ہرا بنداو آ پاننگ اٹی ءُ کہ گچین کاری کرفنگ کن پیسہ اف۔ جمعہ نا دے آ لاہور ہائی کورٹ نا پیشن آ میڈیا تون ہیت وگپ کرسا اسد عمر پارے کہ لاہور ہائیکورٹ نا مچ آ کارروائی آن پاش خننگک کہ گچین کاری تے 90 دے اٹ مروئی ءِ۔ پاکستان اٹ جمہوری آئین گچین کاری تابنداو ءِ‘ او ہرا بنداو آ دا ہیت ءِ کننگ ءُ کہ گچین کاری کرفنگ کن پیسہ اف۔ حکومت تو عمران خان آن 1054 ارب روپئی زیات خڑچ کرے‘ گچین کاری تا تیاری ءِ کننگے پین ہچ ہیت اف۔ فواد چوہدری پارے کہ حکومت‘ الیکشن کمیشن یا صدر مملکت ءِ گچین کاری تا تاریخ ءِ تروئی ءِ‘ حکومت نا وکیل آک عدالت اٹ پاریر کہ گچین کاری کرفنگ کن 60 ارب روپئی اف‘ دا وڑ انا ہیت آتیان پاکستان ءِ سکیورٹی گڑتیک گیڑ کیرہ۔ بنجائی حکومت خواہک کہ گچین کاریک اسیجا مریر او اینو نیشنل اسمبلی ءِ چٹفر تو 90 دے اٹ گچین کاریک اسیجا مریرہ۔

(آن لائن)