خلیفہ دوم حضرت عمر فاروقؓ نا یوم شہادت عقیدت اٹ اڈ تننگا
Get real time updates directly on you device, subscribe now.
کوئٹہ(آن لائن)خلیفہ دوم حضرت عمر فاروق رضی اللہ تعالیٰ عنہ نا یوم شہادت یکم محرم الحرام10 اگست سَے شنبے نا دے بھاز عقیدت مندی اٹ اڈ تننگا۔ مچ آ ملک اٹ مذہبی تنظیم آتا کنڈ آن دود اڈ تننگا۔ حضرت سیدنا عمر فاروق ؓ مکہ مکرمہ ٹی ودی مس، اونا پن عمر بن خطاب، لقب ‘فاروق’ و کنیت ‘ابو حفصہ’ ئسکہ، پیغمبر اسلام حضرت محمد مصطفیؐ نا کنڈ آن نبوت نا پڑو نا ششمیکو سال حضرت عمرؓ 35 سال نا وئی اٹ مسلامن مس۔ اودے مراد رسولؐ پارہ، کہ او حضورؐ نا دعا غان پد مسلمان مس۔ اوکان پد حضرت محمدؐ نا ہم کوپہ مس۔ حضرت عمرؓ نا زمانہ خلافت اسلامی سرسہبی تا دور ئسکہ۔ ہراٹی اسلامی سلطنت نا دنگ 22 لکھ مربع میل اسکان تالان مسوسس۔ یکم محرم الحرام 24 ہجری آ اوؓ جام شہادت نوش کرے۔ اوؓ روضہ رسولؐ اٹی رسول اللہ صلی اللہ علیہ وسلم نا رہی آ جہہ و جاگہ ءِ۔