نت تیا سلنگ اُن، کرنٹ اکاؤنٹ نسخان کم مسنے، عمران خان

پاکستان ٹیکنالوجی نا بشخ اٹ مون آ ہِننگ ءِ،

0

Get real time updates directly on you device, subscribe now.

کراچی : وزیراعظم عمران خان پارینے کہ پاکستان ٹیکنالوجی نا بشخ اٹ مون آ ہِننگ ءِ، کرنٹ اکاؤنٹ نسخان کم آن کم مسنے ولے زرگزران نا شونداری آن اوڑا زور ودنگ ءِ، ننے برآمد آتے ودفنگ، منی لانڈرنگ ءِ توننگ آ چکار کروئی ءِ، پیشن نا ملک پاکستانیک بینکنگ چینل اٹ تینا زرآتے گدریفر، نن نت تیا سلنگ نا کنڈآ ہِننگ اُن، شپ لفٹ اینڈ ٹرانسفر سسٹم نا خلنگ آن جہاز رانی نا صنعت شون ہلیک و زرگزران ءِ فائدہ مریک۔ داخیال آتا درشانی ءِ او سے شنبے نادے آ کراچی شپ یارڈ اٹی شپ لفٹ اینڈ ٹرانسفر سسٹم نا بنائی دود آن تران کرسا کرے۔ دود اٹ گورنر سندھ عمران اسماعیل، بنجائی وزیر اسدعمر، زبیدہ جلال، علی زیدی ئسک ہم ساڑی ئسر۔ وزیراعظم پارے کہ کنے خوشی ءِ کہ ٹیکنالوجی نا بشخ اٹ نن مون آ ہِننگ اُن۔ پاکستان 50سال مست شونداری نا ہراسفر نا کنڈآ ہناکہ بدبختی اٹ اوکان پد انا سال تے ٹی او دے برقرار تخنگتو ونن تینا نت تیا سلنگ، خودانحصاری و مون آ ہِننگ نا جاگہ غاایلو تیا سیبو ءِ کننگ نا بناءِ کرین۔ نن تینا واک ءِ درست کتون و سیبو پٹان۔ وزیراعظم پارے کہ ہراقومک مزاحمت کپسہ او اسل تینا نت تیا سلنگ کپسہ۔ ریاست مدینہ نا اصول آتیا ہراہم قوم چلینگک و شونداری و سرسہبی اٹ ہمکنارمریک۔ خواجہ کریم ؐ نا زند ننکن کسر نا ڈیوا ءِ۔ خواجہ ؐ درملکی سروک آتے چھٹی نوشتہ کرے تو اوفتیان امداد خواتو بلکن اوفتیا اللہ نا کلہو ءِ سرکرے و خوددار قوم اس سلفسا انسانی تاریخ نا دھارا ءِ بدل کرے۔ خواجہ ؐ نا ٹہیفوک آ قوم دنیاناامامت ءِ کرے۔ وزیراعظم پارے کہ کنے خوشی ءِ کہ نن اسہ وار ولدا تینا نت تیا سلنگ نا کوشست کننگ اُن۔ کراچی شپ یارڈ اٹی بحری جہاز آتا جوڑ جاڑ نا نظام نا شونداری و ٹیکنالوجی نا کاریم اٹ اتنگ آن ملک انا پیسہ بچک ہراکاریم ءِ مہالو ننے ایلو ملک آتیان کرفوئی تماکہ اوداسہ داڑے مریک۔ داڑان نئے بیرہ نہادی زرمبادلہ نا بچت مریک بلکن نن ایلو ملک آتے ہم دا آسراتی ءِ فراوان کینہ۔ وزیراعظم پارے کہ ملک انا زرگزران گچینی نا کنڈآ ہنانے۔ کرنٹ اکاؤنٹ نسخان کم آن کم مسنے۔ داسہ چیلنج دادے کہ ہراوڑ ہراوڑ زرگزران گچین مریک کرنٹ اکاؤنٹ آ زور ودک۔ وزیراعظم داگمان نا درشانی ءِ کرے کہ دا ڈٹ آن پاکستان ڈالر کٹک۔ اوپارے کہ حکومت برآمد آتے ودفنگ و منی لانڈرنگ ءِ توننگ آ چکار کننگ ءِ۔ اوپیشن نا ملک پاکستانی تیا زور شاغاکہ تینا ترسیلات آتے بینکنگ چینل اٹ گدریفر۔ اوپارے کہ مستین اٹ صاحب اقتدار مخلوق پیسہ غاتے دزی کرسا پیشن مون تسرہ ننے داچرجوئی ءِ توروئی ءِ و خودانحصاری آ چکار کروئی ءِ و نن داکنڈآ ہنانن۔

(اے پی پی)

Get real time updates directly on you device, subscribe now.

Leave A Reply

Your email address will not be published.