معذور بندغ آتے تعلیمی و زرگزرانی کمک نا فراوانی کن حکومت پورو وڑاٹ پرعزم ءِ، میر سیف اللہ کھیتران
Get real time updates directly on you device, subscribe now.
ڈائریکٹر جنرل سوشل ویلفیئر حکومت بلوچستان میر سیف اللہ کھیتران مدامگی آسودہی نا گام گیج آتا کمک اٹ اواری اٹ تعلیم نا شون و معذور بندغ آتے کن بریبر آ وارخواہی پیدا کننگ کن صوبائی حکومت نا سوگو آ ارادگی نا دوارگی اعادہ ءِ کرے۔ کمک پروگرام نا رِد اٹ، محکمہ سماجی بہبود (سوشل ویلفیئر) نا اسہ اہم ءُ گام اس ارے۔ حکومت بلوچستان، محکمہ سماجی بہبود نا کمک اٹ دا ہیت ءِ پک کننگ کن پورو وڑاٹ پرعزم ءِ کہ معذور بندغ آتے ہمو تعلیمی، زرگزرانی و ادارہ جاتی کمک رسینگے ہرا اوفتـے تینا تعلیمی مسخت آتے مون آ ہرفنگ و راج اٹی فعال ءُ شریدار جوڑ مننگ کن درکار ارے۔ کمک پروگرام نا رِد اٹ فراوان کروک آ اسکالرشپ بیرہ زرگزرانی کمک اس اف بلکن انسانی لائخی، جند سیبو و حقدار آ نودربراتا روشن آخبت اٹی اسہ بھلو سرمایہ کاری اس ارے