نوشکی، ایم ٹی ٹی موزہ غاتا دوکان اٹی خاخر لگا، مچ آ دوکان بھس مس

نوشکی نا ہند ایم ٹی اٹی موزہ غاتا اسہ دوکان اسے ٹی خاکڑ لگنگ نا سوب آن مچ آ دوکان بھس مس۔ خاخرءِ کسفنگ کن ہچ ءُ آسراتی اس اف، ہراڑان الس ءِ بھلو نسخان اس مون تننگ مروئی بریک۔ نوشکی ٹی خاخر ءِ کسفنگکن فائر برگیڈ نا ہچ ءُ گاڈی اس میسر اف۔ ہندی الس دا ہیت آ گڑتی نا درشانی ءِ کرینو کہ فائر برگیڈ نا مفننگ آن شاری تا میرات و جندی دوکان آک بے رکھ ءُ۔ الس نا خواست ءِ کہ نوشکی ٹی دمدستی وڑاٹ فائر برگیڈ نا آسراتی ءِ پک کننگے۔