عمران خان نا آئی ایم ایف تون موقف ملک دشمنی اسے، حافظ حمداللہ
Get real time updates directly on you device, subscribe now.
اسلام آباد : پی ڈی ایم ترجمان حافظ حمداللہ پارینے کہ چیئرمین پی ٹی آئی آئی نا آئی ایم ایف تون ملک اٹ گچین کاری تا اڈ تننگ نا ضمانت خواہنگ ملکی سیاست اٹ آئی ایم ایف ءِ نیام تمنگ نا سلہ خلنگ آبار ءِ ہرانا پی ڈی ایم مذمت ءِ کیک‘ تینا بیان اٹ ترجمان پی ڈی ایم پارے کہ چیئرمین پی ٹی آئی ءِ سما اف کہ ملک اٹ گچین کاری کرفنگ آئی ایم ایف نا آخا الیکشن کمیشن ناکاریم ءِ‘ درو اسکان تینا جلسہ غاتے ٹی پیشن نا نیام تمنگ نا راگ کرسا قوم ءِ ریفوک آ اینو نیام تمنگ نا سلہ خلسا عمران نیازی دیر ءِ ریفنگ نا کوشست کننگ اٹی ءِ۔ حافظ حمداللہ پارے کہ دا ہمو منافقت ءِ ہرادے نن دَہ سال مست بے پردہ کرین‘ امریکہ غان پد آئی ایم ایف آن نیام تمنگ نا پنڈہ خواہنگ مگہ ہندادے جہاد؟ مگہ دادے حقی آجوئی پارہ؟۔آئی ایم ایف ءِ بریفنگ ہمو شوکت ترین تننگ اٹی ءِ ہرا اِرا صوبہ نا وزیرخزانہ غاتے معاہدہ ءِ خراب کننگ ناپرمان کریکہ۔ حافظ حمداللہ پارے کہ چیئرمین پی ٹی آئی توشہ خانہ، فارن فنڈنگ، قادریونیورسٹی کیس تے ٹی درکار ءِ‘ اودے تلاشی تروئی تمک‘ کل آن زیات گمانی وڑ اٹ نی سانحہ 9 مئی نا ماسٹر مائنڈ اُس داٹی ہم نے حساب تروئی مریک۔
(آن لائن)