امریکہ، لاس اینجلس نا خڑک آ جہاز اس تما، پائلٹ تون اوار 6بندغ زوال

واشنگٹن : امریکی ریاست لاس اینجلس نا خڑک آ اسہ بالی پٹ اسے آن خڑک کشاری ڈغار اٹ جہاز اس تما‘ اوٹی سوار کل شش بندغ زوال مسر‘ درملکی خبررساں ادارہ نا رد اٹ فیڈرل ایوی ایشن ایڈمنسٹریشن بیان اٹ پارے کہ سیسنا سی 550 بزنس جیٹ جہاز لاس ویگاس آن بال کریسس ہرا لاس اینجلس آن 137 کلومیٹر قطب اٹ ساڑی ریور سائیڈ کاؤنٹی ٹی فرانسیسی ویلی بالی پٹ انا کڑک آ سہب انا چار بجہ 15 منٹ آ تما۔ نیشنل ٹرانسپورٹیشن سیفٹی بورڈ انا ایوی ایشن تفتیش کار ایلیٹ سمپسن اسہ نیوز بریفنگ اسے ٹی پارے کہ زوال مروک آتا مسافر و پائلٹ کل بندغ آک بالغ ئسر۔ ایلیٹ سمپسن پارے کہ نجی ملکیت نا جہاز چنکا بالی پٹ انا رن وے آن 500 فٹ انامُری آ تمسا ہمو وخت آ بھس مس ہراتم ہمو علاقہ ٹی لینڈنگ نا کوشست کرے۔ ہراڑے‘میرین لیئر‘ پاننگوک موسم ئس۔

(آن لائن)