لس گچین کاری تے کن ووٹ اندراج آن بیرہ چار دے سلیسر
Get real time updates directly on you device, subscribe now.
اسلام آباد : لس گچین کاری تیکن ووٹ اندراج اٹ بیرہ 4دے سلیسنے‘ شناختی کارڈ آ درج آخبتی یا ساڑی پتہ غا ووٹ ءِ درج یا بدل کننگ مریک۔ الیکشن کمیشن آف پاکستان ناکنڈآن بروک آ لس گچین کاری تیکن ووٹر مہشون تے ٹی پوسکن آووٹر آتے درج کننگ تون اوار ساڑی ووٹر مہشون اٹ بدلی کن 13جولائی نا تاریخ پن کننگانے داتاریخ آن پد ووٹر مہشون تے ٹی درج کننگ ءِ بند کننگک و بروک آ لس گچین کاری تیکن ووٹر مہشون تا تیاری تا بناءِ کننگک۔ ترجمان الیکشن کمیشن نا رد اٹ ووٹر مہشون تے ٹی پوسکن ووٹ انا درج کننگ‘ درستگی یا کشنگ کن خڑک انا ڈسٹرکٹ الیکشن آفس تون رابطہ کننگ مریک ہراڑے اسہ فارم اسے نا کمک اٹ دا کل بدلیک مننگ کیرہ۔ ترجمان نا رد اٹ شناختی کارڈ آ درج ساڑی یا آخبتی پتہ غا ووٹ ءِ درج کننگ مریک و مسٹمیکو ایڈریس آ ووٹ درج کننگ مفک۔ ترجمان نا رد اٹ بروک آلس گچین کاری تے ٹی الس نا زیات آن زیات بشخ ہلنگ ءِ پک کننگ کن 18سال آن زیات نرینہ و نیاڑیک ہرافک شناختی کارڈ جوڑ کرینو او ووٹ بٹنگ کیرہ۔
(آن لائن)