گوادر اٹ سی پیک نا گیشتری ڈٹ آک پورو مسنو‘ مجیب قمبرانی

گوادر : ڈائریکٹر جنرل جی ڈی اے مجیب الرحمٰن قمبرانی تدوک آ دے سی پیک اسٹیڈی سنٹر یونیورسٹی آف گوادر نا کنڈآن سی پیک نا دہ سال نا دود آتا رداٹ ارا دے ئی ورکشاپ نا ایسری سیشن آن تران کرے۔ او پارینے کہ سی پیک نا رداٹ گوادر اٹ راجی و اقتصادی پڑ اٹ اہم ءُ ڈٹ پورو مسنو وخت اس کہ گڑاس پوروی نا گڈیکو مرحلہ ٹی ءُ۔ ہراٹی سد بسترہ نا پاک چائنہ فرینڈشپ جی ڈی اے ہسپتال، نیو گوادر انٹرنیشنل ائیرپورٹ، پاک چائنہ ٹیکنیکل اینڈ ووکیشنل ٹریننگ انسٹی ٹیوٹ، ایسٹ بے ایکسپریس وے، فری زون، و 12 لکھ گیلن دیر انا واٹر ڈیسیلینیشن پلانٹ اوار ءُ۔ دا کل ڈٹ آک سی پیک نا رداٹ جوڑ کننگانو۔ ہرافتا راجی و معاشی اعتبار اٹ جوان ءُ نتیجہ مون آ بریرہ۔ او نہ بیرہ ہندی کہول آ روزگار نا بے کچ وڑ ودی مریرہ وخت اس کہ راجی شونداری کسرک مون آ بریرہ۔

(خ ن)